بوكستان قازاقستان جاستار كومانداسىنىڭ باپكەرلەر قۇرامىندا وزگەرىستەر ورىن الدى.
فەدەراسيا باسپا ءسوز قىزمەتىنىڭ حابارلاۋىنشا، قازاقستان جاستار قۇراماسىنىڭ اعا باپكەرى قىزمەتىنە قايرات ءساتجانوۆ تاعايىندالدى.
ول بۇل مىندەتتى اتقارعان ءادىل باسىعارايەۆتى الماستىردى.
قايرات ءساتجانوۆ ەڭبەك جولىندا جاسوسپىرىمدەر كومانداسىنان بولەك، باس قۇرامانى دا جاتتىقتارعان. ءساتجانوۆتىڭ جەتەكشىلىگىمەن قازاقستاندىق بوكسشىلار سەربيادا وتكەن الەم چەمپيوناتىندا 2 التىن، 2 كۇمىس، 1 قولا مەدال جەڭىپ الدى.
قىزدار كومانداسىندا دا باپكەرلەر اۋىستى. قىزدار اراسىنداعى جاستار قۇراماسىنا جانگەلدى احمەتوۆ اعا باپكەر بولىپ تاعايىندالدى.
سونىمەن قاتار، بوكستان قازاقستان ءجاسوسپىرىم ۇلدار كومانداسىنا ماقسات وسپانوۆ، ءجاسوسپىرىم قىزدار كومانداسىنا ايبەك ءابىلدا جەتەكشىلىك ەتەدى.