قازاقستاندا تۇڭعىش رەت سۋردو دزيۋدودان الەم چەمپيوناتى وتەدى

تۇركىستاندا 12-14 ءساۋىر كۇندەرى سۋردودزيۋدودان الەم چەمپيوناتى وتەدى.

الەم بىرىنشىلىگى قازاقستان سۋردودزيۋدو فەدەراسياسى مەن قازاقستان سۋردليمپيادا كوميتەتىنىڭ ۇيىمداستىرۋىمەن وتكىزىلمەك، دەپ حابارلايدى Almaty-akshamy.kz.

الەم چەمپيوناتىنا 25 ەلدەن 200 سپورتشى قاتىسادى دەپ جوسپارلانعان.

«قازاقستان جالپى سۋردليمپيادالىق سپورت تۇرلەرى بويىنشا ەلىمىزدە ءبىرىنشى رەت الەم چەمپيوناتىن قابىلدايىن دەپ وتىر. بۇل تاريحي وقيعا جانە ءبىز ءۇشىن ۇلكەن جاۋاپكەرلىشىك. ەستۋ قابىلەتى زاقىمدانعان سپورتشىلاردى قولداۋدىڭ جارقىن بەلگىسى دەپ بىلەمىز. ءبىزدىڭ ەلىمىزدە دزيۋدو سپورتى جاقسى دامىعان. سونىڭ ىشىندە سۋردو دزيۋدومەن اينالىساتىندار سانى دا از ەمەس. بۇگىن سۋردو دزيۋدودان ۇلتتىق قۇرامامىزدا ەل نامىسىن قورعاپ جۇرگەن سپورتشىلار دا ءوزىنىڭ سپورتتىق جولىن بالا كەزىندە قاراپايىم دزيۋدودان باستاعان. سپورتشىلارىمىزدىڭ ەشتەڭەگە قاراماستان، مويىماي، ماقساتقا جەتۋ جولىنداعى جانكەشتىلىگى ءبىزدى ءاردايىم جىگەرلەندىرەدى، ءتانتى ەتەدى. تۇركىستان تاتاميىندە سۋردليمپيادا چەمپيوندارى، الەم چەمپيوندارى باس قوسادى. مۇنداي ءىرى الەمدىك جارىس ەلىمىزدەگى سۋردليمپيادالىق سپورت تۇرلەرىنىڭ دامۋ قارقىنىن جاڭا ساتىعا كوتەرەدى دەپ سەنەمىز»، - دەيدى قازاقستان سۋردو دزيۋدو فەدەراسياسىنىڭ پرەزيدەنتى قۋانىشبەك مۇقاش.

ايتا كەتەرلىگى، سۋردودزيۋدودان الەم چەمپيوناتى تۇركىستان قالاسىنداعى «Olympic centre» سپورت كەشەنىندە وتەدى.