جانىبەك - ديۆيزيون پاتشاسى!
قازاقستاندىق جانىبەك ءالىمحان ۇلى وسىنداي مالىمدەمە جاساپ، دەمەتريۋس اندرادەمەن جەكپە-جەكتى تالاپ ەتتى، دەپ حابارلايدى Almaty-akshamy.kz 24.kz-كە سىلتەمە جاساپ.
سوڭعىسى - ءقازىر WBO تۇجىرىمى بويىنشا الەم چەمپيونى.
«ەددي حيرن، ماعان ورتا سالماقتاعى چەمپيوندى بەر. ونىڭ ەشتەڭەسىن اۋىرتپاي تيتۋلىنان ايىرامىن. مەن ديۆيزيون پاتشاسىمىن»، - دەدى جانىبەك الەۋمەتتىك جەلىدە قالدىرعان جازباسىندا.
دالىرەك ايتساق، جەرلەسىمىز بۇعان دەيىن بىرنەشە رەت بەلدىك ءۇشىن تالاستى سۇراعان ەدى. ول سوڭعى جەكپە-جەگىندە بۇرىنعى الەم چەمپيونى روب برانتتى جەڭگەن بولاتىن. وسىلايشا بۇگىنگە دەيىن 10 جەكپە-جەك وتكىزىپ، بارلىعىندا دا باسىم بولدى. ءتىپتى التاۋىن ۋاقىتىنان بۇرىن اياقتادى.
بۇعان قوسا، الەم چەمپيوناتىندا تاعى ءبىر جەرلەسىمىز كيريلل كۋرديدي دە جۇلدەگە ىلىكتى. ول 1 شاقىرىمدىق گيت باسكەسىندە قولا جۇلدەگەر اتاندى. ايتا كەتۋ كەرەك، ۆەلوترەكتىڭ ءدال وسى باعىتىندا دا بىزدە دۇنيەجىزىلىك دودانىڭ مەدالى بولماعان.
بايراقتى باسەكەگە ەلورداداعى وليمپيادالىق دايارلاۋ ورتالىعىنان باس-اياعى 9 سپورتشى اتتاندى. ولار قالىپتاسقان جاعدايعا بايلانىستى ەكى جىلداي حالىقارالىق جارىستارعا قاتىسپادى.
«ۇزاق ۋاقىت ەشقانداي جارىسقا قاتىسپادىق. سوندىقتان ءبىزدىڭ مۇمكىندىگىمىزدى قارسىلاستارىمىز بىلمەدى. جارىس بارىسىندا نامىسقا تىرىسىپ، ەل ابىرويىن اسقاقتاتۋدى ماقسات تۇتتىم. بارلىعى ويداعىداي بولعانىنا قۋانىشتىمىن»، - دەدى الەم چەمپيوناتىنىڭ قولا جۇلدەگەرى كيريلل كۋرديدي.