وتاندىق ءونىم سۇرانىسقا يە
QazVac ۆاكسيناسى شۆەيساريادا تىركەلۋى مۇمكىن. بۇل تۋرالى بيولوگيالىق قاۋىپسىزدىك ماسەلەلەرى عىلىمي-زەرتتەۋ ينستيتۋتىنىڭ باس ديرەكتورى كۇنسۇلۋ زاكاريا مالىمدەدى، دەپ حابارلايدى Almaty-akshamy.kz.
«شۆەيساريادا تىركەلۋ ماسەلەسىنە كەلسەك، وزدەرى ءبىزدىڭ سىرتقى ىستەر، ساۋدا جانە ينتەگراسيا مينيسترلىكتەرىنە شىعىپ، حابارلاسقان بولاتىن. سوندىقتان ءقازىر سولارمەن جۇمىس ىستەپ جاتىرمىز. ويتكەنى وزدەرى قىزىعۋشىلىق تانىتتى. كىم بايلانىسقا شىقسا، سولارمەن جۇمىس ىستەپ جاتىرمىز. مىسالى، قاسىمىزدا باۋىرلاس ەلدەر بار. قىرعزىستاننان باسقالارى ەشقانداي ۇسىنىسپەن شىققان جوق. ال الىستاعى شۆەيساريا وزدەرى شىعىپ، «كومەكتەسەيىك، تىركەۋدەن وتسەڭىزدەر، افريكا، لاتىن امەريكاسىنا شىعارۋعا بولادى» دەگەندەي ماسەلەلەردى ايتتى»، - دەيدى ينستيتۋتتىڭ باس ديرەكتورى.