جازيرا وراقبايەۆا 52 كەلىگە دەيىنگى سالماقتا جۇدىرىقتاستى
ءۇندىستاننىڭ نيۋ-دەلي قالاسىندا بوكستان ايەلدەر اراسىندا الەم چەمپيوناتى ءوتىپ جاتىر، دەپ حابارلايدى Almaty-akshamy.kz قازاقپاراتقا سىلتەمە جاساپ.
جارىستىڭ العاشقى كۇنى كۇندىزگى سەسسيادا 52 كەلىگە دەيىنگى سالماقتا قازاقستاندىق جازيرا وراقبايەۆا رينگكە شىقتى.
ازيا چەمپيوناتىنىڭ جۇلدەگەرى جازيرا تايبەيلىك چيا-حسۋن چانمەن جۇدىرىقتاسىپ، ەكىنشى راۋندا قارسىلاسىن ەكى رەت نوكداۋنعا جىبەردى. ءۇشىنشى راۋند باسىندا تورەشى جەكپە-جەكتى توقتاتىپ، جازيرا وراقبايەۆا ايقىن باسىمدىلىقپەن جەڭىسكە جەتىپ، كەلەسى كەزەڭگە جولداما الدى.
قازاقستاندىق باسقا بوكسشىلار ەرتەڭ رينگكە شىعادى.