64 جاستاعى سپورتشى 14 جەلتوقساننان بەرى ىزدەستىرىلىپ جاتىر.
الماتىدا بەلگىلى قازاقستاندىق بوكسشى سەرىك نۇرقازوۆ ءىز-تۇزسىز جوعالىپ كەتتى، دەپ حابارلايدى Almaty-akshamy.kz
"قوعام" جەدەل-ىزدەستىرۋ توبى الماتىدا جوعالعان سەرىك نۇرقازوۆتى ىزدەپ جاتقانىن حابارلادى. ەرىكتىلەردىڭ ايتۋىنشا، 64 جاستاعى ەر ادام 14 جەلتوقسان كۇنى مەدەۋ اۋدانىنداعى ۇيىنەن شىعىپ كەتىپ، ورالماعان.
سەرىك نۇرقازوۆ سۇر قالپاق، كاپيۋشونى بار كوك مامىق كۇرتە، اق ۆودولازكا، قارا دجينسى شالبار كيگەن، شاشى اعارعان، ساقالى بار. "قوعام" ىزدەستىرۋ توبىنىڭ مالىمەتىنشە، قارت ادامعا مەديسينالىق دياگنوز قويىلعان.
سەرىك نۇرقازوۆ – قازاقتىڭ اتاقتى بوكسشىسى. ول 1980 جىلدارى كسرو قۇراماسىندا ويناعان. ەل بىرىنشىلىگىنىڭ ءۇش دۇركىن چەمپيونى، ەۋروپا چەمپيونى، گاۆاناداعى الەم چەمپيوناتىنىڭ جانە حالىقارالىق دوستىق ءتۋرنيرىنىڭ كۇمىس جۇلدەگەرى، كسرو-نىڭ ەڭبەك سىڭىرگەن سپورت شەبەرى. سپورتتاعى مانسابىن اياقتاعاننان كەيىن بوكستان بالالار جاتتىقتىرۋشىسى بولدى. وبلىستىق وقۋ-جاتتىعۋ ورتالىعىنىڭ مەڭگەرۋشىسى – وبلىستىق جوعارى سپورت شەبەرلىگى مەكتەبىنىڭ ديرەكتورى قىزمەتتەرىن اتقاردى.
