2023 جىلعى 25 جەلتوقساندا قازاقستان رەسپۋبليكاسى مەملەكەتتىك قىزمەت ىستەرى اگەنتتىگى پرەزيدەنتتىك جاستار كادرلىق رەزەرۆىنە ىرىكتەۋ قورىتىندىسى جاريالانعانىن مالىمدەدى، دەپ حابارلايدى اlmaty-akshamy.kz.
ۆەدومستۆودا پرەزيدەنتتىك جاستار كادرلىق رەزەرۆىنە ىرىكتەۋ اياقتالعانىن اتاپ ءوتتى.
"ۇلتتىق كوميسسيانىڭ شەشىمىمەن 50 ادام رەزەرۆكە الىندى، قابىلدانعان كانديداتتاردىڭ ءتىزىمى pkrezerv.gov.kz سايتىندا جاريالاندى"، - دەلىنگەن حابارلامادا.
ۇلتتىق كوميسسيا وتىرىسىنا بارلىعى 100 كانديدات جىبەرىلدى. سوڭعى ىرىكتەۋ كەزەڭىنەن وتە الماعان 50 ۇمىتكەر وڭىرلىك كادرلىق رەزەرۆكە قابىلداۋعا ۇسىنىلادى.
پرەزيدەنتتىك جاستار كادر رەزەرۆىنە قابىلدانعان ازاماتتار ساياسي لاۋازىمدارعا، "ا" كورپۋسىنىڭ مەملەكەتتىك اكىمشىلىك لاۋازىمدارىنا، "ب" كورپۋسىنىڭ باسشىلىق لاۋازىمدارىنا تاعايىندالۋى مۇمكىن. رەزەرۆتە بولۋ مەرزىمى – 3 جىل.
بۇعان دەيىن پرەزيدەنتتىك جاستار كادرلىق رەزەرۆىندەگى ءبىر ورىنعا 128 قازاقستاندىقتىڭ ءوتىنىش بىلدىرگەنى حابارلانعان بولاتىن.