210 ميلليون تەڭگە. پاريج وليمپياداسىنىڭ چەمپيونى اتانعان بوكسشىعا وسىنشا سىياقى بەرىلەدى. بۇل تۋرالى قازاقستان بوكس فەدەراسياسى باسشىلىعىنىڭ ليسەنزيا العان سپورتشىلارمەن جانە باپكەرلەرمەن كەزدەسۋىندە بەلگىلى بولدى.
ءتورت جىلدىقتىڭ باستى باسەكەسىندەگى جەڭىمپازعا ەلىمىزدىڭ بوكس فەدەراسياسى 220 مىڭ دوللار ياعني 98 ميلليون تەڭگە تابىستايدى. بۇعان قوسا، مەملەكەت تارابىنان بەرىلەتىن 250 مىڭ دوللار ياعني 111 ميلليون تەڭگە تاعى بار. ەكەۋىن قوسقاندا جازعى وليمپيادا ويىندارىنىڭ چەمپيونى 210 ميلليون تەڭگە الادى. ال كۇمىس جۇلدەگەرگە قازاقستان بوكس فەدەراسياسى 120 مىڭ، ال ءۇشىنشى ورىنعا 70 مىڭ دولار بەرەدى. 4ء-شى جانە 5-ورىن العان سپورتشىلارعا دا قولداۋ قاراستىرىلعان.
باپكەرلەرى دە نازاردان تىس قالمايدى. ولار شاكىرتىنىڭ سىياقىسىنىڭ 30 پايىزىنا پارا-پار قارجىلاي تولەم الادى. ايتا كەتەيىك، ءقازىر ۇلتتىق قۇراما قورجىنىندا 7 ليسەنزيا بار. ونىڭ التاۋىن ەرلەر، بىرەۋىن بۇرىمدى بىلعارى قولعاپ شەبەرىمىز جەڭىپ الدى.