2024 جىلعى 2 ساۋىردە پاۆلودار قالاسىنىڭ No2 سوتىندا «قازاۆتوجول» ۇلتتىق كومپانياسى» اق پاۆلودار وبلىستىق فيليالىنىڭ ديرەكتورى مەن باس مامانعا قاتىستى قىلمىستىق ءىس قارالدى، دەپ حابارلايدى اlmaty-akshamy.kz.
ولارعا (قىلمىستىق كودەكستىڭ 366-بابى 3-بولىگىنىڭ 1-تارماعى) بوپسالاۋ ارقىلى ءىرى كولەمدە پارا الدى دەگەن ايىپ تاعىلدى.
«قازاۆتوجول» ۇك اق ديرەكتورى ا.م. 2023 جىلدىڭ 29 ماۋسىمىندا كومەكتەسۋشiءسى «قازاۆتوجول» ۇك اق باس مامانى ءو.ز.-مەن، ياعني ورىندالعان جۇمىستاردىڭ اكتىسىنە قول قويمايمىن جانە پاۆلودار-استانا اۆتوجولىن كۇتىپ ۇستاۋ بويىنشا مەملەكەتتىك ساتىپ الۋ تۋرالى شارتتى بۇزامىن دەپ قورقىتىپ، مەردىگەردەن جالپى سوماسى 4 000 000 تەڭگە پارا رەتىندە اقشا العان.
سوتتالۋشىلاردىڭ كىناسى جابىرلەنۋشىنىڭ، كۋالاردىڭ ايعاقتارىمەن، سوت ساراپتامالارىنىڭ قورىتىندىلارىمەن، زاتتاي جانە قۇجاتتامالىق دالەلدەمەلەرمەن دالەلدەندى.
سونداي-اق ا.م. لاۋازىمدىق وكىلەتتىكتەرىن تەرىس پايدالانۋ فاكتىسى بويىنشا ايىپتالدى (قك 361-ب. 4-ب. 3) ت.).
«پروكۋرور ا.م.-عا تۇپكىلىكتى 8 جىل باس بوستاندىعىنان ايىرۋ جازاسىن، ال ءو.ز.-عا – 7 جىلعا باس بوستاندىعىنان ايىرۋ جازاسىن تاعايىنداۋدى سۇرادى. سوتتالۋشىلار كىنالارىن تولىعىمەن مويىندامادى، اقتاۋدى سۇرادى»، - دەپ حابارلادى پاۆلودار قالاسى №2 سوتىنىڭ باسپا ءسوز قىزمەتى.
سوت جەڭىلدەتەتىن ءمان-جايلاردى، اسىراۋىندا جاس بالالاردىڭ بولۋىن ەسكەرە وتىرىپ، ا.م.-عا 8 جىل باس بوستاندىعىنان ايىرۋ، ال ءو.ز.-عا 7 جىلعا باس بوستاندىعىنان ايىرۋ جازاسىن تاعايىندادى.
ا.م. - قىزمەتتىك وكىلەتتىكتەرىن تەرىس پايدالانۋ فاكتىسى بويىنشا (قك 361-ب. 4-ب. 3) ت.) - قىلمىسقا قاتىسۋى تۋرالى دالەلدەمەلەردىڭ بولماۋىنا بايلانىستى اقتالدى.
ۇكىم زاڭدى كۇشىنە ەنگەن جوق.