ق ر ييدم ازاماتتىق اۆياسيا كوميتەتىنىڭ ءتوراعاسى تالعات لاستايەۆ Boeing كومپانياسىنىڭ ۆيسە-پرەزيدەنتى مونتە فرەيزەرمەن كەزدەسۋ وتكىزدى، دەپ حابارلايدى اlmaty-akshamy.kz.
ەكى تاراپ Boeing كومپانياسىنىڭ اقش فەدەرالدىق ازاماتتىق اۆياسيا باسقارماسىنىڭ (FAA) ۇشۋ قاۋىپسىزدىگىن حالىقارالىق باعالاۋىنان (IASA) جەدەل ءوتۋ ءۇشىن قازاقستاننىڭ اۆياسيالىق اكىمشىلىگىنە وتەۋسىز تەحنيكالىق كومەك بەرۋ جانە ق ر مەن اقش اراسىنداعى تىكەلەي رەيستى ىسكە قوسۋ ءۇشىن CAT1 مارتەبەسىن الۋ تۋرالى ۋاعدالاستى.
ت.لاستايەۆ پەن م.فرەيزەر ق ر مەن اقش اراسىندا تىكەلەي اۋە قاتىناسىن اشۋ، سونداي-اق قازاقستاندا Boeing كومپانياسىنىڭ جاتتىعۋ جانە تەحنيكالىق ورتالىقتارىن ورنالاستىرۋ مۇمكىندىگىنە قاتىستى ماسەلەلەردى تالقىلادى.
قول جەتكىزىلگەن ۋاعدالاستىقتار شەڭبەرىندە بيىل مامىر ايىنىڭ ءۇشىنشى ونكۇندىگىندە Boeing ماماندارى نۇر-سۇلتان قالاسىنا كەلەدى.
سونىمەن قاتار، كەزدەسۋگە قاتىسۋشىلار قازاقستاندا ازاماتتىق اۆياسيا سالاسىنداعى جاس تالانتتارعا ارنالعان Boeing كومپانياسىنىڭ ارنايى وقىتۋ باعدارلاماسىن ۇيىمداستىرۋ تۋرالى كەلىسىمگە قول جەتكىزدى.