الماتىداعى №1 قالالىق كلينيكالىق اۋرۋحانانىڭ توراكالدى حيرۋرگيا ورتالىعى كوكىرەك قۋىسىنا وپەراسيا جاساۋعا ماشىقتانعان. سونىڭ ءبىرى – كەڭىردەككە جاسالاتىن مانيپۋلياسيالار. قىزمەت تەگىن مەديسينالىق كومەك جانە ساقتاندىرۋ پاكەتى ارقىلى كورسەتىلەدى، دەپ حابارلايدى اlmaty-akshamy.kz اۋرۋحانانىڭ باسپا ءسوز قىزمەتىنە سىلتەمە جاساپ.
توراكالدى حيرۋرگتار كەڭىردەك ستەنوزى دياگنوزى قويىلعان 56 جاستاعى پاسيەنتكە وسىنداي وتا جاسادى. ول بيىلعى اقپان ايىندا كوۆيد جۇقتىرىپ، پنيەۆمونيانىڭ اۋىر تۇرىمەن اۋىرعان.
حيرۋرگ مۇحتار نىسانبايدىڭ ايتۋىنشا، پاسيەنت ۇزاق ۋاقىت بويى جانساقتاۋ بولىمىندە، كەيىن ينتەنسيۆتى تەراپيا بولىمىندە جاتقان. «وكپەنى جاساندى جەلدەتۋ اپپاراتىمەن ۇزاق ۋاقىت بويى دەم العاندىقتان، كەڭىردەگىنە تراحەوستوميا جاسالعان. اۋرۋحانادان شىققاننان كەيىن اراعا ءبىر اي سالىپ دەم جەتپەي القىنىپ، تىنىستاعاندا كەۋدەدە ىسقىرىق پايدا بولعان. كومپيۋتەرلىك توموگرافيا مەن برونحوسكوپيا ناتيجەسىندە كەڭىردەكتىڭ تومەنگى بولىگىنىڭ تارىلعانى انىقتالىپ، سيركۋليارلى ستەنوز دەگەن دياگنوز قويىلدى»، - دەيدى دارىگەر.
كەڭىردەك ستەنوزى نەمەسە كەڭىردەكتىڭ تارىلۋى ۇزاق ۋاقىت جاساندى تىنىس الۋ اپپاراتىمەن دەم العان، تراحەوستوميا جاسالعان، مويىن جاراقاتىن العان، كەڭىردەگى مەن جۇتقىنشاعى كۇيگەن، كەڭىردەك جولىندا ىسىك پايدا بولعان پاسيەنتتەردە كەزدەسەدى. بۇل دەرت اۋانىڭ وكپەگە ءتۇسۋىن قيىنداتادى.
توراكالدى حيرۋرگتەر ەندوسكوپيالىق ەلەكتروەكسيزيا دەپ اتالاتىن وپەراسيا جاسادى. ءقازىر پاسيەنتتىڭ جاعدايى جاقسى. تىنىس الۋ جەتكيليكسيزديگي بايكالمايدى.
«سوڭعى كەزدە مۇنداي جاعدايلار ءجيى كەزدەسەتىن بولدى. بۇل دەرتتەن اسىرەسە، جاساندى تىنىس الۋ اپپاراتى ارقىلى ۇزاق ۋاقىت دەم العان جانە كەڭىردەگىنە تىلىك جاسالعان ادامدار زارداپ شەگەدى. ولار دەمىكپەدەگى سياقتى تۇنشىعىپ، اۋا جەتپەي قينالادى، قاقىرىق ءتۇسۋى قيىندايدى»، - دەيدى مۇحتار نىسانباي.
توراكالدى حيرۋرگيا ورتالىعىنداعى ۋدز، فيبروەندوسكوپ، كت، مرت سىندى زاماناۋي قوندىرعىلار وپەراسيانى اسقان دالدىكپەن جۇرگىزۋگە مۇمكىندىك بەرەدى. شالعاي ەلدى مەكەندەردىڭ تۇرعىندارى ەلەكتروندى حات نەمەسە تەلەفون ارقىلى الدىن الا سىرتتاي كونسۋلتاسيا الا الادى. سونىمەن قاتار، مۇندا كوشپەلى قابىلداۋ جانە وتا جاساۋ مۇمكىندىگى دە قاراستىرىلعان.