اقش مەملەكەتتىك حاتشىسى ەنتوني بلينكەن استاناعا ساپارى بارىسىندا قازاق ۇلتتىق ونەر ۋنيۆەرسيتەتىنە باردى، دەپ حابارلايدى اlmaty-akshamy.kz Tengrinews.kz-كە سىلتەمە جاساپ.
قازاقستانداعى امەريكا ەلشىلىگىنىڭ باسپا ءسوز قىزمەتىنىڭ مالىمەتىنشە، بلينكەن قازاق مۋزىكاسىنا قىزىعۋشىلىق تانىتقان. وعان قازاق حالقىنىڭ مادەنيەتىندە ماڭىزدى ءرول اتقاراتىن ءداستۇرلى مۋزىكالىق اسپاپتار تۋرالى ايتىپ، ولاردىڭ دىبىستالۋىنىڭ ەرەكشەلىكتەرىن كورسەتتى.
«اقش مەملەكەتتىك حاتشىسى ەنتوني بلينكەن استاناعا ساپارى بارىسىندا مادەنيەت، ونەر سالاسىندا جانە قازاق ونەرىنىڭ ءداستۇرلى تۇرلەرىن جاڭعىرتۋدا دارىندى مامانداردىڭ بىرنەشە بۋىنىن تاربيەلەپ شىعارعان قازاق ۇلتتىق ونەر ۋنيۆەرسيتەتىندە بولدى»، - دەلىنگەن سەيسەنبى كۇنى تاراعان اقپاراتتا.
مەملەكەتتىك حاتشىنى قازاق ۇلتتىق ونەر ۋنيۆەرسيتەتىنىڭ رەكتورى، حالىق ءارتىسى، پروفەسسور ايمان مۇساحودجايەۆا قارسى الىپ، قازاق مۋزىكاسىنا ىقىلاس تانىتىپ، تىعىز جۇمىس كەستەسىندە ۋاقىت تاۋىپ، ۋنيۆەرسيتەتكە كەلگەنى ءۇشىن العىسىن بىلدىرگەن.
