بۇل تۋرالى ۇلىتاۋ وبلىسىنىڭ اكىمى بەرىك ءابدىعالي ۇلى «ۇلىتاۋ وبلىسىنىڭ رۋحاني دامۋى» اتتى رەسپۋبليكالىق عىلىمي-تاجىريبەلىك كونفەرەنسيادا ايتتى، دەپ جازادى اlmaty-akshamy.kz BAQ.KZ-كە سىلتەمە جاساپ.
ايماق باسشىسى بۇل جۇمىستىڭ بىلتىر پارلامەنت قابىرعاسىندا ىسكە اسىرىلعانىن جينالعان قاۋىمعا جەتكىزدى.
دەپۋتات بولىپ جۇرگەنىمىزدە، ەلدى مەكەندەردىڭ اتاۋىن ورىسشا اتاماۋ جايلى ۇسىنىس ايتىپ، ءتيىستى وزگەرىستى زاڭعا كىرگىزدىك. ءبىز زاڭدا جەردىڭ، ەلدى مەكەندەردىڭ اتاۋىن ورىسشا جازۋعا تىيىم سالدىق. ورىسشا «وبلاست ۇلىتاۋ»، «وبلاست جەتىسۋ» دەپ ايتىلادى. ءقازىر زاڭ بويىنشا ءاربىر ەلدى مەكەن تەك قازاق تىلىندە جازىلادى. بۇرىن «تاۋەلسىزدىك» كوشەسىن «تاۋەلسيزديك» دەپ ورىس تىلىندە جازۋعا رۇقسات ەدى. ەندى ونداي رۇقسات جوق. «اباي» كوشەسىن «ابايا» دەپ اۋىستىرۋعا بولمايدى. قازاقشا اتاۋ تەك قانا قازاقشا جازىلادى، – دەدى ايماق باسشىسى.