الماتىدا العىس ايتۋ كۇنىندە 17 ءىس-شارا وتەدى.
كوكتەمنىڭ العاشقى كۇنى ەل تۇرعىندارى العىس ايتۋ كۇنىن اتاپ وتەدى. ايتا كەتۋ كەرەك، العىس ايتۋ كۇنى قازاقستان حالقى اسسامبلەياسىنىڭ قۇرىلعان كۇنىمەن تۇسپا-تۇس كەلەدى، ونىڭ وكىلدەرى الماتىلىقتاردى قۇتتىقتاپ، وڭىرلىك كوممۋنيكاسيالار قىزمەتى الاڭىندا العىس ايتۋ كۇنىن اتاپ ءوتۋ جوسپارلارى تۋرالى ايتتى، دەپ حابارلايدى Almaty-akshamy.kz.
الماتى قالاسىنىڭ قحا ورىنباسارى حابارلاعانداي، «قازاقستانداعى ورىس مادەني ورتالىعى» قوعامدىق بىرلەستىگىنىڭ الماتىداعى فيليالىنىڭ ءتوراعاسى ۆسيەۆولود لۋكاشيەۆ الماتىدا رەسپۋبليكالىق جانە قالالىق ەكى دوستىق ءۇيى بار ەكەنىن، سونداي-اق، 20 ەتنومادەني ورتالىق بار ەكەنىن ايتتى. ولاردىڭ ءارقايسىسىندا مەرەكەلىك ءىس-شارالار جوسپارلانعان.
«بۇل كۇنى مەرەكەلىك كونسەرت، العىس ايتۋ كۇنىنە ارنالعان كەزدەسۋلەر مەن كونفەرەنسيالار، كوشپەلى سيرك قويىلىمى، سپەكتاكلدەر، قۋىرشاق شوۋلار، دوڭگەلەك ۇستەلدەر، اكسيالار جانە ت.ب جوسپارلانعان. بۇلار - رەسمي ءىس-شارالار. ءبىراق ءار مادەنيەت وشاعى ءوز ەتنوسىنىڭ ىشىندە، ۇيىمىنىڭ اياسىندا ءوز ءىس-شارالارىن وتكىزەدى. سوندىقتان ولاردى ءتىزىپ شىعۋ ءىس جۇزىندە مۇمكىن ەمەس»، - دەپ بولىسكەن سپيكەر بارلىق قاجەتتى اقپاراتتى اسسامبلەيا مەن الماتى قالاسى اكىمدىگىنىڭ رەسمي سايتتارىنان الۋعا بولاتىنىن ايتتى.
اسسامبلەيا باستاماسىمەن وتكىزىلىپ جاتقان ءىس-شارالار تەك ءداستۇرلى باق-تا عانا ەمەس، عالامتور كەڭىستىگىندە دە كەڭ رەزونانسقا يە بولۋدا، دەپ اتاپ ءوتتى الماتى قالاسى قحا جۋرناليستەر كلۋبىنىڭ ءتورايىمى، رەسپۋبليكالىق «Deutsche Allgemeine Zeitung» نەمىس باسىلىمنىڭ باس رەداكتورى ولەسيا كليمەنكو.
«العىس ايتۋ كۇنى اياسىندا اتالىپ وتەتىن بارلىق ءىس-شارالار، ارينە، بارلىق ەتنومادەني باسىلىمداردا ءوز ماتەريالدارىن تابادى. ودان بولەك، ءبىز ءارقاشان ەستە قالاتىن داتالارعا، سونىڭ ىشىندە مەملەكەتتىك مەرەكەلەرگە قاتىستى ارنايى شىعارىلىمداردى شىعارۋدى، ءبىزدىڭ ەتنومادەني ب ا ق پاراقشالارىندا تانىستىرىلعان ءتۇرلى پىكىرلەردى، ادامداردىڭ قىزىقتى تاعدىرلارى، ءتۇرلى ماماندىق وكىلدەرى بۇل ەتنومادەني ب ا ق بەتتەرىندە ۇسىنىلاتىن ءتۇرلى پىكىرلەردى شىعارۋدى جوسپارلاپ وتىرامىز،»، - دەدى و.كليمەنكو.
الماتى قالاسى قحا ورىنباسارى ءبىر عانا الماتىنىڭ وزىندە جۇزدەن استام ەتنوس وكىلدەرى تۇراتىنىن ەسكە سالدى. ولاردىڭ بارلىعىن ەلىمىزدە ءوزارا ىنتىماقتاستىق پەن بەيبىتشىلىك ورناتۋعا دەگەن ورتاق نيەت بىرىكتىرەدى.
«العىس ايتۋ كۇنى – ءبارىمىزدىڭ راحمەت ايتۋ مۇمكىندىگىمىز. بارلىق ەتنوستارعا، پراۆوسلاۆتارعا، مۇسىلماندارعا، يۋدەيلەرگە تاماشا ەلىمىزدە بەيبىتشىلىك پەن تۇراقتىلىقتى ساقتاپ وتىرعاندارى ءۇشىن العىس ايتامىن. ءبىز بۇل ەلدى ءبىرتۇتاس قازاقستان حالقىنىڭ كۇشىمەن بىرگە جاساپ، دامىتىپ جاتىرمىز»، - دەپ تۇيىندەدى ءسوزىن ۆسيەۆولود لۋكاشيەۆ.