الماتىدا «پوليسيا بارىسى – 2023» چەمپيوندىق بەلبەۋىنىڭ يەگەرى انىقتالدى.
الماتى قالاسى پد-دا قازاق كۇرەسىنەن ءداستۇرلى تۋرنير ءوتتى، دەپ حابارلايدى Almaty-akshamy.kz Polisia.kz-كە سىلتەمە جاساپ.
بۇل – 17 كوماندادان تۇراتىن 77 قاتىسۋشىنىڭ باسىن قوسقان اۋقىمدى سپورتتىق شارا. جارىس التى سالماق دارەجەسى بويىنشا ءوتتى.
تۋرنير بارىسىندا مىقتىلار انىقتالدى. ءبىرىنشى ورىندى جىلدام قيمىلدايتىن ارنايى جاساعىنىڭ قۇراما كومانداسى يەلەندى. ەكىنشى ورىن تۇركسىب اۋداندىق پوليسيا باسقارماسىنىڭ قۇراما كومانداسىنا بۇيىردى. ال ءۇشىنشى جۇلدەلى ورىندى بوستاندىق اۋداندىق پوليسيا باسقارماسىنىڭ كومانداسى يەلەندى.
“پوليسيا بارىسى – 2023” چەمپيوندىق بەلبەۋىنىڭ يەگەرى الماتى قالاسى پد جقاج ينسپەكتورى ەسداۋلەتوۆ رايىمبەك بولدى.