12 قاڭتارداعى جاعداي بويىنشا، ەلدەگى جاپپاي تارتىپسىزدىك كەزىندە بيزنەسكە كەلتىرىلگەن شىعىن سوماسى 103،7 ملرد تەڭگەدەن استى، دەپ حابارلايدى اlmaty-akshamy.kz «اتامەكەن» ۇلتتىق كاسىپكەرلەر پالاتاسىنا سىلتەمە جاساپ.
«بايلانىس ورتالىعىنا 4 833 قوڭىراۋ ءتۇستى، سونىڭ ىشىندە: مارودەرلىق ماسەلەلەرى بويىنشا – 1988، فورس-ماجور – 246، بلوك-بەكەتتەر – 2، زارداپ شەككەن كاسىپكەرلەردى قولداۋ قورى بويىنشا – 17، بيزنەستى قالپىنا كەلتىرۋ جانە زارداپ شەككەن مۇلىكتى باعالاۋ – 271، جەكە تۇلعالاردان تۇسكەن قوڭىراۋلار – 1946» دەلىنگەن حابارلامادا.
سونداي-اق، ۇلتتىق كاسىپكەرلەر پالاتاسى ەلدىڭ 11 وڭىرىندە 1615 بيزنەس سۋبەكتى زارداپ شەككەنى انىقتالعانىن، سونىڭ ىشىندە الماتى قالاسىندا 1506 سۋبەكت بۇلىنگەنىن مالىمدەيدى.
«زارداپ شەككەن بيزنەس سالالارى: ساۋدا – 1482؛ قوعامدىق تاماقتانۋ – 44؛ قارجى سەكتورى – 61؛ لوگيستيكا – 23؛ ب ا ق – 5.
شىعىننىڭ جالپى سوماسى الدىن الا ەسەپكە سايكەس 103،7 ملرد تەڭگەدەن استى (الماتىدا 102،2 ملرد تەڭگە)» دەلىنگەن حابارلامادا.
ايات كەتەيىك، مىنا وڭىرلەردە كاسىپكەرلىك نىساندارى جاپا شەككەن:
1) الماتى قالاسى
2) الماتى وبلىسى
3) شىمكەنت قالاسى
4) جامبىل وبلىسى
5) شقو
6) قىزىلوردا وبلىسى
7) اتىراۋ وبلىسى
8) قاراعاندى وبلىسى
9) پاۆلودار وبلىسى
10) ماڭعىستاۋ وبلىسى (قوسىلعان ايماق)
11) اقتوبە وبلىسى (قوسىلعان ايماق)