12 قاڭتار كۇنى قازاقستان اۋماعىنىڭ باسىم بولىگىندە جاۋىن-شاشىنسىز اۋا رايى كۇتىلەدى. رەسپۋبليكانىڭ تەك باتىسى مەن سولتۇستىگىندە فرونتالدى بولىكتەردىڭ ىقپالىنان قار، وڭتۇستىگىندە جاۋىن-شاشىن (جاڭبىر جانە قار تۇرىندە) بولادى. ەل بويىنشا كەي جەرلەردە تۇمان، جەلدىڭ كۇشەيۋى، باتىستا كوكتايعاق، سولتۇستىكتە جاياۋ بۇرقاسىن بولجانادى، دەپ حابارلايدى اlmaty-akshamy.kz «قازگيدرومەت» رمك-عا سىلتەمە جاساپ.
اتىراۋ وبلىسىنىڭ باتىسى، شىعىسى مەن ورتالىعىندا تۇمان، كوكتايعاق كۇتىلەدى.
قوستاناي وبلىسىنىڭ باتىسى مەن ورتالىعىندا جاياۋ بۇرقاسىن، سولتۇستىگىندە تۇمان بولجانادى.
تۇركىستان وبلىسىنىڭ وڭتۇستىگى مەن باتىسىندا، سونداي-اق تاۋلى، تاۋ بوكتەرلى اۋداندارىندا تۇمان بولادى. تاۋلى اۋدانداردا جەل 15-20 م/س كۇشەيەدى.
الماتى وبلىسىنىڭ وڭتۇستىگى مەن سولتۇستىگىندە تۇمان كۇتىلەدى. جالاڭاشكول اۋدانىندا جەلدىڭ كۇشى 15-25 م/س ارتادى.
شىعىس قازاقستان وبلىسىنىڭ جارما اۋدانىندا جەل 15-23 م/س كۇشەيەدى.
جامبىل وبلىسىنىڭ سولتۇستىگىندە، تاۋلى جانە تاۋ بوكتەرلى اۋداندارىندا تۇمان بولجانادى. كۇندىز وڭتۇستىك-باتىسى مەن تاۋلى اۋداندارىندا جەلدىڭ جىلدامدىعى 15-20 م/س جەتەدى.
اقمولا وبلىسىنىڭ سولتۇستىك-باتىسىندا، ماڭعىستاۋ وبلىسىنىڭ باتىسى مەن ورتالىعىندا، سولتۇستىك قازاقستان وبلىسىنىڭ سولتۇستىگىندە، پاۆلودار وبلىسىنىڭ شىعىسىندا، قىزىلوردا وبلىسىنىڭ سولتۇستىگى مەن ورتالىعىندا تۇمان كۇتىلەدى. باتىس قازاقستان وبلىسىنىڭ سولتۇستىك-باتىسىندا تۇمان، كوكتايعاق بولادى.