ول قازاق اندەرىنىڭ كوپشىلىگى راديوعا جارامايتىنى تۋرالى ايتىپ، باسى داۋعا قالعان ەدى.
"بيزنەس FM" راديوستانسياسىنىڭ باس ديرەكتورى رۇستەم ماقسۇتوۆ ءوزىن-وزى قورعاۋ ءۇشىن سوتقا جۇگىنىپ، سوزدەرىنىڭ اق-قاراسىن اجىراتۋ ماقساتىندا فيلولوگيالىق ساراپتاما جاساتقان، دەپ حابارلايدى Almaty-akshamy.kz
رۇستەم ماقسۇتوۆتىڭ بەينەجازبا ارقىلى كورسەتىلگەن سوزدەرىندە ۇلت ارازدىقتى قوزدىرۋ بەلگىلەرى جوق. ازاماتتاردىڭ ار-نامىسى مەن قادىر-قاسيەتىن قورلاۋ بەلگىلەرى جوق. رۇستەم ماقسۇتوۆتىڭ سوزدەرىندە قازاق ءتىلىنىڭ بەدەلىن تۇسىرەتىن بەلگىلەر تابىلمادى. قازاقستان رەسپۋبليكاسىندا قازاق ءتىلىن شەكتەۋ قاجەتتىلىگى تۋرالى ءسوز ايتىلماعان، – دەلىنگەن ماقسۇتوۆتىڭ ءوزى وقىپ بەرگەن سوت ساراپتاما ناتيجەسىندە.
رۇستەم ماقسۇتوۆ قازاقشا اندەر تۋرالى ايتقان سوزدەرى كوپشىلىكتىڭ كوڭىلىنە ءتيىپ كەتكەنىن مويىندايدى. ول تارالعان بەينەجازبادا “مەن قازاقشا اندەردى جاقسى كورمەيمىن” دەپ ايتپاعانىن العا تارتادى.
«مەنىڭ سوزدەرىم ەكى جاقتى قابىلداندى. بۇل مەنىڭ كىنام جانە مەن ونى مويىندايمىن. مەن بۇل سوزدەردى ايتقان كەزدە ويىمدا مۇلدەم باسقا نيەت بولدى. وسى ساتتە مەنى قولداعاندار بولدى جانە كەرىسىنشە مەنى داتتاعاندار دا تابىلدى. سول ازاماتتاردىڭ الدىندا رەسمي تۇردە كەشىرىم سۇرايمىن. وز-وزىمە دەگەن سەنىمدىلىكتىڭ قۇرساۋىنا ءتۇسىپ قالعانداي كۇيدەمىن. مەن قاتەلىك جاساعانىمدى مويىندايمىن. مەن سىزدەردەن كەشىرىم سۇرايمىن»، – دەدى "بيزنەس FM" راديوستانسياسىنىڭ باس ديرەكتورى.