الماتى اكىمدىگى جوعارى وقۋ ورىندارىنىڭ باسشىلىعىمەن بىرلەسىپ جاتاقحانالاردا جايلى تۇرۋ ءۇشىن باسقا قالاداعى ستۋدەنتتەردى ورىندارمەن قامتاماسىز ەتۋ بويىنشا تۇراقتى جۇمىس جۇرگىزەدى.
ايتا كەتەيىك، مەگاپوليستە 35 جوو ورنالاسقان، وندا 199 مىڭنان استام ستۋدەنت وقيدى، ونىڭ 124 مىڭى باسقا قالادان كەلگەندەر. بۇل تۋرالى وكق بريفينگىندە قالا اكىمىنىڭ ورىنباسارى ارمان قىرىقبايەۆ مالىمدەدى، دەپ حابارلايدى Almaty-akshamy.kz.
سونىمەن قاتار 9 جوو (ءال-فارابي اتىنداعى قازۇۋ، ق.ساتپايەۆ اتىنداعى قازۇتزۋ، اباي اتىنداعى قازۇپۋ، س. اسفەندياروۆ اتىنداعى قازۇمۋ، نارحوز، حوك، كيمەپ، تۇران، UIB) 3 284 ستۋدەنت تۇراتىن 23 جاتاقحانامەن ىنتىماقتاستىق تۋرالى مەموراندۋمعا قول قويدى. مەموراندۋمدار جاساسۋ كەزىندە سانيتارلىق جانە ورتكە قارسى قاۋىپسىزدىك نورمالارىنىڭ ساقتالۋى ەسكەرىلدى، ۋاكىلەتتى ورگاندار (توتەنشە جاعدايلار دەپارتامەنتتەرى، الماتى قالاسىنىڭ سانيتارلىق - ەپيدەميولوگيالىق باقىلاۋ دەپارتامەنتتەرى جانە قالا قۇرىلىسىن باقىلاۋ باسقارماسى) تەكسەرۋ جۇرگىزدى.
«اعىمداعى جىلدىڭ قىركۇيەك ايىندا باسقا قالادان كەلگەن ستۋدەنتتەردىڭ 50%-دان استامى توسەك-ورىنمەن قامتاماسىز ەتىلدى. بۇل 30-35% ارالىعىندا وزگەرەتىن الەمدىك كورسەتكىشتەردەن ەداۋىر اسىپ تۇسەدى. 2016 جىلدان باستاپ توسەك-ورىندارعا قاجەتتىلىكتى انىقتاۋ ماقساتىندا ءبىز قالانىڭ جوعارى وقۋ ورىندارى اراسىندا ساۋالناما جۇرگىزىپ كەلەمىز. جىل سايىن تاپشىلىق شامامەن 32-35 مىڭ ورىندى قۇرايدى. وسى شارانىڭ ارقاسىندا ماسەلەنىڭ وتكىرلىگى وقۋ جىلىنىڭ باسىندا جويىلادى»، - دەپ ءتۇسىندىردى وكق سپيكەرى.
بۇگىنگى تاڭدا قالادا 102 جاتاقحانا جۇمىس ىستەيدى، وندا 33،5 مىڭنان استام ستۋدەنت تۇرادى.
2025 جىلدىڭ سوڭىنا دەيىن 12 مىڭ توسەك-ورىن، ال 2030 جىلدىڭ سوڭىنا دەيىن تاعى 20 مىڭ توسەك – ورىن قۇرۋ جوسپارلانعان، بۇل جاتاقحانا تاپشىلىعى ماسەلەسىن تولىعىمەن شەشۋگە مۇمكىندىك بەرەدى.
وسى جىلدىڭ ناۋرىز ايىندا ستۋدەنتتىك جاتاقحانالار سالۋ بويىنشا جوبالىق كەڭسە ىسكە قوسىلدى. 2023 جىلدىڭ سوڭىنا دەيىن 3 959 توسەك-ورىنعا ارنالعان 15 نىساندى پايدالانۋعا بەرۋ جوسپارلانۋدا، ونىڭ ىشىندە 1 550 توسەك-ورىنعا ارنالعان 7 نىسان اعىمداعى جىلدىڭ قىركۇيەك ايىندا ىسكە قوسىلدى.