الماتىدا 1 ناۋرىز بەن 1 ءساۋىر ارالىعىندا «تازا قازاقستان» رەسپۋبليكالىق باعدارلاماسى اياسىندا «الماتى – ءبىزدىڭ ورتاق ءۇي̆ءىمىز» اتتى اۋقىمدى قالالىق ناۋقان وتەدى. بۇل ناۋقان قالا ينفراقۇرىلىمىن جاڭارتۋ مەن جاقسارتۋعا، ەكولوگيالىق مادەنيەتتى ارتتىرۋعا جانە تۇرعىنداردى قالانى دامىتۋعا تارتۋعا باعىتتالعان، دەپ حابارلايدى aqshamnews.kz
«قۇرمەتتى تۇرعىندار! «الماتى – ءبىزدىڭ ورتاق ءۇي̆ءىمىز»، ال ءار ءۇي̆دە تازالىق پەن جاي̆لىلىق بولۋى كەرەك. ءارقاي̆سىڭىزدى وزىنەن كەي̆ءىن قوقىس قالدىرماۋعا، تابيعاتتى ايالاۋعا جانە تازالىق ساقتاۋعا شاقىرامىن. ءبىزدىڭ ناۋقانعا اتسالىسىڭىزدار! قالامىز بارشاعا ۇلگى بولسىن! الماتىعا دەگەن قامقورلىقتارىڭىز بەن ءسۇي̆ىسپەنشىلىكتەرىڭىز ءۇشىن راحمەت!» – دەپ ۇندەۋ جاسادى الماتى قالاسى اكىمىنىڭ ورىنباسارى الىشەر ءابدىقادىروۆ.
«الماتى – ءبىزدىڭ ورتاق ءۇي̆ءىمىز» ناۋقانى قالاداعى بارلىق اۋداندى قامتيدى. چەللەندج، باي̆قاۋ، ەكو-كۆەست جانە فلەشموب سياقتى ءتۇرلى ءىس-شاراعا ءاربىر الماتىلىق پەن قالا قوناعى قاتىسا الادى.
سونداي̆-اق، ناۋقان بارىسىندا ەكولوگيالىق اكسيالار وتەدى. ولاردىڭ قاتارىندا جۇگىرۋ مەن قوقىس جيناۋدى بىرىكتىرەتىن پلوگگينگ، مەكتەپ جانە بالاباقشا وقۋشىلارى اراسىندا پلاستيك قاقپاقتارىن جيناۋعا ارنالعان «مەي̆ءىرىمدى قاقپاق» باستاماسى، قالدىقتاردان ونەر تۋىندىلارىن جاساۋعا باعىتتالعان «قوقىستى ونەرگە اي̆نالدىر» باي̆قاۋى، پلاستيك بوتەلكەلەردى قاي̆تا وڭدەۋگە تاپسىرۋعا ارنالعان Plastic Reboot، جارامدىلىق مەرزىمى وتكەن دارى-دارمەكتەردى جيناۋ جانە تاعى باسقا ءىس-شارالار بار.
«بىلتىر باستالعان ەكولوگيالىق باستامالاردى جالعاستىرىپ، قالامىزدى ودان ءارى تازا ءارى جاي̆لى ەتۋگە تالپىنامىز. 2024 جىلى الماتىدا جاڭا كورىكتەندىرۋ ەرەجەلەرى بەكىتىلىپ، 6 مىڭنان استام كاسىپكەرلىك نىسانى ءۇشىن كورىكتەندىرۋ ءتولقۇجاتتارى ءجۇي̆ەسى ەنگىزىلدى. قازىرگى تاڭدا 4 918 ءتولقۇجات راسىمدەلدى، بۇل جوسپاردىڭ 82%-ىن قۇراپ وتىر. ءتولقۇجاتتاۋ ىرگەلەس اۋماقتارعا، ونىڭ ىشىندە عيمارات قاسبەتتەرى، تروتۋارلار، جاسىل اي̆ماقتار جانە باسقا دا نىساندار ءۇشىن جاۋاپكەرشىلىكتى ناقتىلاۋعا مۇمكىندىك بەرەدى»، – دەدى الماتى قالاسى اكىمىنىڭ ورىنباسارى بەي̆ءبىت شاحانوۆ.
ناۋقان ءتورت تاقىرىپتىق اپتاعا بولىنگەن:
* «تازا كوشەلەر» (1–9 ناۋرىز) – ايالدامالار مەن جول بەلگىلەرىن تازالاۋ، قوقىس جاشىكتەرىن ورناتۋ، ماگيسترالداردى كوركەي̆تۋ.
* «تازا ساياباقتار، سكۆەرلەر مەن تاۋلار» (10–16 ناۋرىز) – تابيعي اي̆ماقتاردا سەنبىلىكتەر وتكىزۋ جانە قوقىس جيناۋ شارالارى.
* «تازا اۋلالار» (17–23 ناۋرىز) – «ۇزدىك كوممۋنالدىق قىزمەتكەر» باي̆قاۋى، قورشاۋلار مەن كوركەي̆تۋ ەلەمەنتتەرىن، بالالار جانە سپورت الاڭدارىن بوياۋ (20–29 ناۋرىز ارالىعىندا).
* «ءبىزدىڭ قالا – ءبىزدىڭ ماقتانىشىمىز» (24 ناۋرىز–1 ءساۋىر) – ەسكەرتكىشتەردى كوركەي̆تۋ جانە جاپپاي̆ اعاش وتىرعىزۋ.
ناۋقان اياسىندا قالا ينفراقۇرىلىمىن تولىقتاي̆ رەتكە كەلتىرۋ، 4 مىڭنان استام اۋلا اۋماعىن تازالاۋ، 445 ساياباق پەن سكۆەردە سەنبىلىك وتكىزۋ، وزەن جاعالاۋلارىن تازارتۋ، 12 مىڭعا دەي̆ءىن انتيۆاندالدىق قوقىس جاشىكتەرىن ورناتۋ، 600-دەن استام زاڭسىز ورناتىلعان نىسانداردى بۇزۋ، سونداي̆-اق 5000 اعاش پەن بۇتا وتىرعىزۋ جوسپارلانعان.
تولىق اقپارات Almaty.kz ساي̆تىندا جاريالانادى