الماتى قالاسى اكىمىنىڭ ورىنباسارى الىشەر ءابدىقادىروۆ «تازا قازاقستان» رەسپۋبليكالىق باعدارلاماسى اياسىندا وتەتىن «الماتى – ءبىزدىڭ ورتاق ءۇي̆ءىمىز» اتتى جالپىقالالىق اكسيا باستالار الدىندا تۇرعىندارعا ۇندەۋ جاسادى. ول بارلىق الماتىلىقتى ناۋقانعا بەلسەندى قاتىسىپ، قالانى ودان ءارى كوركەي̆تۋگە جانە كوگالداندىرۋعا شاقىردى، دەپ حابارلايدى aqshamnews.kz
«قۇرمەتتى الماتىلىقتار! ناۋرىز – ەجەلدەن جاڭارۋ كەزەڭى. ۇلىستىڭ ۇلى كۇنى قارساڭىندا حالقىمىز تابيعاتتىڭ جاڭارۋىمەن قاتار، اي̆نالانى تازالاپ، قورشاعان ورتانى كوركەي̆تۋمەن اي̆نالىسقان. بۇل يگى ءداستۇر بۇگىنگە دەي̆ءىن جالعاسىپ كەلەدى. 1 ناۋرىزدان باستاپ بىزدە «الماتى – ءبىزدىڭ ورتاق ءۇي̆ءىمىز» اكسياسى باستالادى. بارشاڭىزدى وسى ماڭىزدى ىسكە بەلسەندى قاتىسۋعا شاقىرامىن. الماتىنى ەڭ كوركەم ءارى جاسىل قالاعا اي̆نالدىرۋ ءبىزدىڭ قولىمىزدا»، – دەدى اكىمنىڭ ورىنباسارى.
ا. ءابدىقادىروۆتىڭ اي̆تۋىنشا، ناۋقان 1 ناۋرىز بەن 1 ءساۋىر ارالىعىندا وتەدى جانە 4 نەگىزگى كەزەڭگە بولىنگەن.
ءبىرىنشى كەزەڭ – «تازا كوشەلەر»: ايالدامالار، باعدارشامدار، جاياۋ جۇرگىنشىلەر وتكەلدەرى، جول بەلگىلەرى، جارىقتاندىرۋ قۇرىلعىلارىن تازالاۋ، سونداي̆-اق قوعامدىق ورىندارعا جاڭا قوقىس جاشىكتەرىن ورناتۋ.
ەكىنشى كەزەڭ – «تازا ساياباقتار مەن سكۆەرلەر»: تۇرعىندار مەن ەرىكتىلەردىڭ قاتىسۋىمەن ساياباقتار، سكۆەرلەر جانە وزەن جاعالاۋلارىندا قوقىس جيناۋ جۇمىستارى.
ءۇشىنشى كەزەڭ – «تازا اۋلالار»: اۋلالاردا جەرگىلىكتى سەنبىلىكتەر وتكىزۋ، بالالار جانە سپورت الاڭدارىن، كوركەي̆تۋ ەلەمەنتتەرىن سىرلاۋ.
ءتورتىنشى، سوڭعى كەزەڭ – «ءبىزدىڭ قالا – ءبىزدىڭ ماقتانىشىمىز»: تاريحي ەسكەرتكىشتەر مەن مادەني نىسانداردى رەتكە كەلتىرۋ، جاپپاي̆ اعاش وتىرعىزۋ جانە قالانى كوگالداندىرۋ ءىس-شارالارى.
«قۇرمەتتى تۇرعىندار! «الماتى – ءبىزدىڭ ورتاق ءۇي̆ءىمىز»، ال ءار ءۇي̆دە تازالىق پەن جاي̆لىلىق بولۋى كەرەك. ءارقاي̆سىڭىزدى وزىنەن كەي̆ءىن قوقىس قالدىرماۋعا، تابيعاتتى ايالاۋعا جانە تازالىق ساقتاۋعا شاقىرامىن. ءبىزدىڭ ناۋقانعا اتسالىسىڭىزدار! قالامىز بارشاعا ۇلگى بولسىن! الماتىعا دەگەن قامقورلىقتارىڭىز بەن ءسۇي̆ىسپەنشىلىكتەرىڭىز ءۇشىن راقمەت!»، – دەپ ءسوزىن ءتۇي̆ىندەدى الىشەر ءابدىقادىروۆ.
اي̆تا كەتەي̆ىك، «الماتى – ءبىزدىڭ ورتاق ءۇي̆ءىمىز» ناۋقانىنا قاتىستى بارلىق جاڭالىق Almaty.kz ساي̆تىندا جاريالانىپ وتىرادى