جاڭا قاۋلى بۇگىن تۇنگى ساعات 00-دەن باستاپ كۇشىنە ەندى.
قازاقستاننىڭ باس مەملەكەتتىك سانيتار دارىگەرى ەرلان قياسوۆ 2021 جىلعى 2 قىركۇيەكتەگى №38 قاۋلىسىنا وزگەرىستەر ەنگىزۋ تۋرالى جاڭا قاۋلىعا قول قويدى، دەپ حابارلايدى Almaty-akshamy.kz
بۇل تۋرالى دەنساۋلىق ساقتاۋ مينيسترلىگىنىڭ سانيتارلىق-ەپيدەميولوگيالىق باقىلاۋ كوميتەتى مالىمدەدى.
قازاقستاندا كوروناۆيرۋس تارالۋىنىڭ الدىن الۋ ماقساتىندا «حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ 2020 جىلعى 7 شىلدەدەگى № 360-VI قرز كودەكسىنىڭ 1-تارماعىنىڭ جانە 104-بابى 7-تارماعىنىڭ 8) تارماقشاسىنا سايكەس، قاۋلى ەتەمىن:
1. «قازاقستان رەسپۋبليكاسىنىڭ حالقى اراسىندا كوروناۆيرۋستىق ينفەكسيا اۋرۋىنىڭ الدىن الۋ جونىندەگى شارالاردى ودان ءارى كۇشەيتۋ تۋرالى» قازاقستان رەسپۋبليكاسىنىڭ باس مەملەكەتتىك سانيتاريالىق دارىگەرىنىڭ 2021 جىلعى 2 قىركۇيەكتەگى № 38 قاۋلىسىنا (بۇدان ءارى – № 38 بمسدق) مىناداي وزگەرىستەر مەن تولىقتىرۋلار ەنگىزىلسىن:
1) № 38 بمسدق-نىڭ 3-تارماعىنىڭ 2) تارماقشاسى الىپ تاستالسىن؛
2) № 38 بمسدق-نىڭ 12-تارماعىنىڭ 3) تارماقشاسى مىناداي رەداكسيادا جازىلسىن:
«3) COVID-19-عا كۇدىكتى ناۋقاس تىركەلگەن جاعدايدا COVID-19-بەن اۋىراتىن ناۋقاستاردان ماتەريال الۋ جانە تاسىمالداۋ كەزىندە قولدانىستاعى نورماتيۆتىك قۇقىقتىق اكتىلەردە كوزدەلگەن ءتارتىپتى ساقتاۋدى، وسى قاۋلىعا 22-قوسىمشاعا سايكەس COVID-19 وشاقتارىندا دەزينفەكسيالىق ءىس-شارالاردى جۇرگىزۋدى»؛
3) № 38 بمسدق-عا 35-قوسىمشا وسى قاۋلىعا قوسىمشاعا سايكەس جاڭا رەداكسيادا جازىلسىن.
2. وسى قاۋلىنىڭ ورىندالۋىن باقىلاۋدى وزىمە قالدىرامىن.
قاۋلىنىڭ تولىق ءماتىنىن مىنا جەردەن كورۋگە بولادى.