1991 جىلدىڭ وسى ايتۋلى كۇنى حالقىمىز تاۋەلسىزدىك جولىنا قادام باسىپ، ەگەمەندى مەملەكەت رەتىندە ءوزىنىڭ بولاشاعىن ءوز قولىنا الدى. بۇل كۇن – حالقىمىزدىڭ ەركىندىگى مەن رۋحىنىڭ قايسارلىعىن بەينەلەيتىن تاريحي ءسات.
تاۋەلسىزدىك بىزگە ادىلەتتىلىك، تەڭدىك جانە زاڭ ۇستەمدىگى قاعيداتتارىنا نەگىزدەلگەن مىقتى مەملەكەت قۇرۋعا مۇمكىندىك بەردى. وسى جىلدار ىشىندە قازاقستان ءوزىن حالىقارالىق قاۋىمداستىقتا بەيبىتشىلىك پەن ىنتىماقتاستىقتىڭ سەنىمدى سەرىكتەسى رەتىندە تانىتتى.
ەلىمىزدە ءبىر شاڭىراق استىندا جۇزدەن استام ۇلت پەن ۇلىستىڭ تاتۋلىعى، مادەنيەتتەر مەن داستۇرلەردىڭ ۇيلەسىمى ءبىزدى العا جەتەلەيتىن ەڭ باستى قۇندىلىعىمىز.
ءبىزدىڭ باستى پارىزىمىز – وسى تاۋەلسىزدىكتى ساقتاۋ، نىعايتۋ جانە كەلەر ۇرپاققا امانات ەتۋ. ءارقايسىمىز ءوز ورنىمىزدا ەل يگىلىگىنە ۇلەس قوسىپ، ورتاق وتانىمىزدىڭ گۇلدەنۋىنە ەڭبەك ەتۋىمىز كەرەك.
بارشاڭىزعا زور دەنساۋلىق، بەيبىت ءومىر، وتباسىڭىزعا اماندىق جانە وتانىمىزدىڭ بولاشاعىنا دەگەن سەنىم تىلەيمىن.
تاۋەلسىزدىگىمىز ماڭگى بولسىن!