قازاق قوعامىندا مىناداي پىكىر قالىپتاسقان: ءبىزدىڭ بالالارىمىز مەكتەپ بىتىرگەننەن كەيىن مىندەتتى تۇردە جوعارى وقۋ ورنىنا ءتۇسۋ كەرەك، ديپلوم الۋ كەرەك، سودان كەيىن قىزمەتكە تۇرىپ جۇمىس ىستەۋ كەرەك دەگەن تۇسىنىك بار. ال ەندى...
كۇندەلىكتى ومىردە نە كورىپ ءجۇرمىز؟ كىشكەنتاي ءبىر نارسە بۇزىلىپ قالسا نەمەسە قاراپايىم كارىز جۇيەسى بىتەلىپ قالسا، ءبىز مامان شاقىرامىز. ولار كەلەدى دە 5 مينۋتتىق جۇمىسىن ىستەپ، ءبىزدىڭ جارتى ايلىق جالاقىمىزدى الىپ كەتەدى. وسى جەردە بىزدە كەمشىلىك بار.
مىسالى، اۋىلدىق جەردە ءقازىر مەحانيزاتور دەگەن ماماندىق تاپپايسىز. ول جەردە توكار، دانەكەرلەۋشى ماماندارى جەتىسپەيدى. ەگەر ءقازىر اۋىلداعى تەحنيكانىڭ ءبىر جەرى بۇزىلىپ قالسا، ءبارىن قالاعا تاسىپ جوندەيدى.
سوندىقتان بۇل جولداۋدا جاقسى ايتىلدى: ءبىز مامان دايىنداۋىمىز كەرەك. ناعىز قاجەتتى كۇندەلىكتى تىرشىلىككە قاجەت مامانداردى دايارلاماساق، اۋىل شارۋاشىلىعى سالاسى تۇرالاپ قالادى.
مەن پرەزيدەنتتىڭ مامانداردى دايارلاۋ جانە ەڭبەك ادامىنىڭ مارتەبەسىن ارتتىرۋ جايىندا ايتقان اڭگىمەلەرىن تولىق قولدايمىن.