الماتى قالالىق اكتيۆ وتىرىسىندا قالا اكىمى باقىتجان ساعىنتايەۆ قاڭتارداعى قاقتىعىس كەزىندە زارداپ شەككەن تۇرعىندار مەن بيزنەس وكىلدەرى جايلى ءسوز قوزعاپ كەتتى.
مەگاپوليستە ورىن العان جاعداي جاستاردى دا بەيجاي قالدىرمادى. قازىرگى تاڭدا ەلىمىزدەگى، ونىڭ ىشىندە قالامىزداعى كۇردەلى جاعداي كەزىندە، جەتىسۋ اۋدانى جاستار رەسۋرستىق ورتالىعىنىڭ وكىلدەرى جاعدايى تومەن وتباسىلارعا، جاتاحانادا تۇراتىن ستۋدەنتتەرگە ازىق-تۇلىك جەتكىزىپ، كومەكتەسىپ جاتىرمىز. الماتى قالاسى اكىمدىگىنىڭ عيماراتىنا تازالاۋ جۇمىستارىن جۇرگىزىپ، سەنبىلىككە قاتىستىق. وسى ورايدا تارتىپسىزدىك كەزىندە ساۋدا ورىندارىنا، دۇكەندەرگە بىلمەستىكپەن ۇرلىققا تۇسكەن جاستارعا ايتارىم، العان زاتتارىڭىزدى انونيمدىك تۇردە قايتارساڭىزدار. "ۇرلىق ءتۇبى – قورلىق" دەمەكشى، بولاشاقتارىڭىزعا بالتا شاۋىپ الماڭىزدار. سونداي-اق، بۇكىل قازاقستاندىقتاردى، سونىڭ ىشىندە الماتىلىقتاردى، اۋىزبىرشىلىك پەن تۇسىنىستىككە شاقىرامىن. ەلىمىزدىڭ ەڭسەسىن تەزىرەك تىكتەۋگە بارشامىز بىرىگە كۇش جۇمسايىق.
