باقىتجان ساعىنتايەۆتىڭ زارداپ شەككەن بيزنەستى قالىپقا كەلتىرۋ جانە قالامىزدىڭ ودان ءارى دامۋى جونىندەگى قالالىق اكتيۆ وتىرىسىن وتكىزۋى بارلىق الماتىلىقتاردىڭ ەڭسەسىن ءبىر كوتەرىپ تاستادى.
اكىم قالامىزدىڭ قانداي شىعىندارعا تاپ بولعانى جايىندا تولىق، جان-جاقتى مالىمەت بەردى جانە قيىندىققا تاپ بولعان حالقىمىزدىڭ حال-جاعدايىن، اسەم الماتىمىزدى قالپىنا كەلتىرۋ بويىنشا ناقتى جوسپارلارىن ورتاعا سالدى. ىسىڭىزگە تەك ساتتىلىك بولسىن! قاي سالادا بولماسىن، قيىندىق جەتەرلىك. ەڭ اۋىر كەزەڭ باسىمىزدان ءوتتى، بالەكەت سونىمەن كەتسىن دەپ تىلەيىك.
«جۇمىلا كوتەرگەن جۇك جەڭىل» دەيدى حالقىمىز. ەرلىگىمىزدى، بىرلىگىمىزدى كورسەتەتىن كەز بولىپ تۇر. ادالدىق، سابىرلىلىق، سەنىمدىلىك جولداسىمىز بولسىن دەپ تىلەيمىن! ءبىز قيىندىقتاردى بىرگە ەڭسەرەمىز! ەلدىڭ تىنىشتىعى، اماندىعى، ۇرپاقتارىمىزدىڭ الاڭسىز ءومىر ءسۇرۋى بارىنەن قىمبات.
الماتىلىقتاردىڭ ءوز ۇلەسىن قوساتىندىقتارىنا، وسى قيىندىقتاردى قالا باسشىلىعىمەن بىرگە شەشەتىندىكتەرىنە سەنەمىن.