انشىلەر «Almaty Clean & Green» اكسياسىنا شاقىرادى
الماتىدا ەكوبەلسەندىلەردىڭ باستاماسىمەن ءوتىپ جاتقان Almaty Clean & Green اتتى جالپىقالالىق سەنبىلىكتە وتاندىق ەسترادا انشىلەرى دە توبە كورسەتتى. اكسيا اكىمدىك تاراپىنان قولداۋ تاپتى. ميكروفوندى ءبىر ساتكە كەتپەن-كۇرەككە ايىرباستاعان جۇلدىزدار باۋم توعايىنان بەينەۇندەۋ جولدادى.
«الماتى – ءبىزدىڭ سۇيىكتى قالامىز. وسىندا وستىك، وسىندا وقىدىق. بۇگىن ارۋ شاھارىمىزدا سەنبىلىك ءوتىپ جاتىر. اعاش وتىرعىزىپ، قالانى ءوزىمىز كوركەيتپەسەك، كىم كوركەيتەدى؟ جاسىل جەلەك ءوسىرۋمىز كەرەك جانە، ەڭ باستىسى، ۇرپاعىمىز وسىعان ۇيرەنسىن. تابيعاتتى ايالايىق!» - دەدى ءبىر توپ ءانشى ۇندەۋدە.