الماتىدا قالانىڭ قوعامدىق ۇيىمدارىنىڭ باستاماسىمەن Almaty Clean & Green كەڭ اۋقىمدى ەكولوگيالىق اكسيا وتۋدە. وسى رەتتە جەلتوقسان ساياباعىنداعى سەنبىلىككە 100-دەن استام ستۋدەنت قاتىستى.
– بۇگىن سەنبىلىككە كوللەدجىمىزدەن 100-دەن استام ستۋدەنت كەلدى. سونداي-اق، 10 شاقتى ۇستاز دا سەنبىلىككە بەلسەندى تۇردە قاتىسۋدا. ءىس-شارا وتە كوڭىلدى ۇيىمداستىرىلىپ جاتىر. جاندى مۋزىكا، تەگىن سۋ. قاتىسۋشىلارعا ىڭعايلى بولۋ ءۇشىن كۇرەك، تىرما سىندى قۇرال-جابدىقتار دا ۇلەستىرىلدى. ستۋدەنتتەرىمىز ءوز قولدارىمەن اعاش وتىرعىزىپ، ماز-مەيرام بولۋدا. ءاربىر تۇرعىن ءوز اۋلاسىن تازا ۇستاپ، اقتاپ، سىرلاپ وتىرسا، قالاعا كەلگەن قوناقتاردىڭ دا قۇرمەتى ارتا تۇسەر ەدى، – دەيدى №1 اماتى قازاق مەملەكەتتىك گۋمانيتارلىق-پەداگوگتىك كوللەدجىنىڭ وقۋ-اعارۋ ادىستەمەلىك جۇمىستار جونىندەگى ورىنباسارى ەردەن سايىن ۇلى.