ۋگاندادا ەبولا ىندەتىنەن ءبىر ادام قايتىس بولدى

ۆيرۋسىنىڭ تارالۋىن بولدىرماۋ ءۇشىن شۇعىل شارالار قابىلدانىپ جاتىر.

ۋگاندانىڭ ورتالىعىندا ەبولا ىندەتىنەن ءبىر ادام قايتىس بولدى. بۇل تۋرالى سەيسەنبىدە ۋگاندانىڭ دەنساۋلىق ساقتاۋ ءمينيسترى دجەين اسەنگ ايتتى، دەپ حابارلايدى Almaty-akshamy.kz Egemen.kz.

«مۋبەندە اۋدانى، نگابانو اۋىلىندا تۇراتىن 24 جاستاعى ەر ادامدا ەبولا اۋرۋى راستالدى، جۇقتىرعان ادام قايتىس بولدى»، - دەپ جازدى Chimpreports جەرگىلىكتى اقپاراتتىق پورتالى.

جەرگىلىكتى بيلىكتىڭ حابارلاۋىنشا، ەبولا ۆيرۋسىنىڭ تارالۋىن بولدىرماۋ ءۇشىن شۇعىل شارالار قابىلدانىپ جاتىر.

«بۇل اۋرۋمەن كۇرەسۋ ءبىزدىڭ تاجىريبەمىزدە بار. ءبىز وعان تولىق دايىنبىز»، - دەدى مينيستر دجەين اسەنگ.

ەبولا ىندەتى ۋگاندادا 2000 جىلى ورشىگەن ەدى. سول ساتتە ىندەتتەن جۇزدەگەن ادام قايتىس بولعان-دى.

ەبولا ۆيرۋسى جابايى جانۋارلاردان جۇعادى، سودان كەيىن ادامدارعا تارالادى. اۋرۋدىڭ العاشقى بەلگىلەرى - قىزبا، بۇلشىقەت اۋرۋى، باس اۋرۋى جانە تاماق اۋرۋى. ودان كەيىن بۇيرەك پەن باۋىر قىزمەتىنىڭ بۇزىلۋى بايقالادى، كەيبىر جاعدايلاردا ىشكى جانە سىرتقى قان كەتۋلەر باستالادى.

ەبولا ۆيرۋسىن جۇقتىرعان العاشقى ادام 1976 جىلى قازىرگى كوندوك ايماعىندا تىركەلگەن. جۇقتىرعاندار سانى بويىنشا ەڭ ۇلكەن ىندەت 2014-2016 جىلدارى گۆينەيا، ليبەريا جانە سەررا-لەونەدە ورىن الدى. ونىڭ قۇرباندارىنىڭ سانى 11 مىڭنان استى.