الماتىنىڭ جەتىسۋ اۋدانىنىڭ اكىمى حالىقتى جاپپاي ۆاكسينالاۋ كۆي پاندەمياسىنان قورعايدى دەپ سانايدى.
وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسى كەزىندە جەتىسۋ اۋدانىنىڭ اكىمى گۇلنار كوكەبايەۆا الماتى تۇرعىندارىن كوروناۆيرۋس ينفەكسياسىنا قارسى ۆاكسينالانۋعا شاقىردى، دەپ حابارلايدى almaty-akshamy.kz
قازىرگى كەزدە جەتىسۋ اۋدانىندا 8 ەگۋ پۋنكتى جۇمىس ىستەيدى:
قۇلاگەر شاعىناۋدانى، 34ا (قۇلاگەر امسكو)؛
اينابۇلاق-3 شاعىناۋدانى، 87 ءۇي (№11 قالالىق ەمحانا)؛
كوكجيەك شاعىناۋدانى، 66 ءۇي (№21 قالالىق ەمحانا)؛
ءسۇيىنباي داڭعىلى، 2 كورپۋس، 8 كورپۋس، 2 قابات («مەرەي» سك)؛
ابىلاي حان داڭعىلى، 3 ءۇي، 2 قابات («التىن تاراز» سك)؛
رايىمبەك داڭعىلى، 239 گ عيماراتى، 3 قابات («ماكسيما» سوسك)؛
اۆتوموبيل جولى سولتۇستىك اينالما، ءۇي 3/1 («ادەم 2» سو)؛
ەسىم حان كوشەسى، 127ا (مادەنيەت ءۇيى).
ۆاكسينانى كۇن سايىن 8.00-دەن 20.00-گە دەيىن الۋعا بولادى. دارىگەرلەر مەن ەپيدەميولوگتاردىڭ ايتۋىنشا، ۆاكسينا ءقاۋىپتى ينفەكسيالاردان جاقسى قورعايدى.
گۇلنار كوكەبايەۆا جەتىسۋ اۋدانىنىڭ 43 767 تۇرعىنى كوروناۆيرۋسقا قارسى ەكپە العانىن اتاپ ءوتتى.
«جاپپاي ۆاكسينالانۋ ۇجىمدىق يممۋنيتەتتى قالىپتاستىرۋعا كومەكتەسەدى. دەرتتى باقىلاۋعا الىپ، الماتىلىقتار پاندەميامەن ويداعىداي كۇرەسۋگە ءوز ۇلەستەرىن قوسا الادى. بۇگىندە ۆاكسينالانۋ – ءاربىر ازاماتتىڭ ءوزنىڭ جانە وزگەلەردىڭ ءومىرىن ساقتاۋداعى ءتيىمدى قۇرال»، - دەدى اۋدان اكىمى.
گۇلنار كوكەبايەۆا اۋدان تۇرعىندارىن ادام كوپ شوعىرلاناتىن جەرلەرگە بارماۋعا، بارلىق سانيتارلىق-ەپيدەميولوگيالىق تالاپتاردى ساقتاۋعا شاقىردى. اۋدان اكىمى وقشاۋلانۋعا جازىلعاندار بۇل تالاپتاردى قاتاڭ ساقتاۋى كەرەك دەپ سانايدى.
«ەگەر بۇرىن اعا بۋىنعا ءقاۋىپ تونسە، ءقازىر بۇل شتامم جاستار اراسىندا تەز تارالۋدا. وسىعان بايلانىستى مەن قالا تۇرعىندارىنا ءوتىنىش ايتقىم كەلەدى. ەكىنشى جىل بويى كۆي جۇزدەگەن مىڭ ادامدى ولتىرۋدە، جاھاندىق ۆاكسيناسيا – بۇل پاندەميادان قورعاۋ»، - دەدى گۇلنار كوكەبايەۆا.
ەسكە سالساق، الماتىدا ەكپە پۋنكتەرىنىڭ سانى ۇلعايتىلدى، بۇگىندە قالادا ولاردىڭ سانى 167. 1038 ادامنان تۇراتىن 234 ەكپە بريگاداسى جۇمىلدىرىلعان.