ق ر وقۋ-اعارتۋ مينيسترلىگىنە قاراستى رەسپۋبليكالىق عىلىمي-پەداگوگيكالىق كىتاپحاناسى «كوكجيەك-گوريزونت» باسپاسىمەن بىرلەسىپ ۇيىمداستىرعان «ۇزدىك كىتاپحاناشى-2023» بايقاۋىنىڭ قورىتىندىسى شىعارىلدى.
ق ر ۇكىمەتىنىڭ قاۋلىسىمەن 24 قازان – كىتاپحاناشى كۇنى بولىپ بەلگىلەندى. «ۇزدىك كىتاپحاناشى-2023» بايقاۋىنا ەلىمىزدىڭ مەكتەپتەرى مەن كوللەدجدەرىنەن 1300-دەن استام كىتاپحاناشى قاتىستى، دەپ حابارلايدى Almaty-akshamy.kz.
بايقاۋ عىلىمي جانە كوركەم ادەبيەتتى ساقتاۋ، زەرتتەۋ جانە ناسيحاتتاۋ بويىنشا وزىق تاجىريبەلەردى انىقتاۋعا باعىتتالعان. جەڭىمپازدار اقشالاي سىيلىقتارمەن جانە ديپلومدارمەن ماراپاتتالدى: 1 ورىن – قوستاناي وبلىسىنداعى مەكتەپتىڭ كىتاپحاناشىسى ريمما ەگوروۆاعا؛ 2 ورىن – پاۆلودار قالاسىنداعى № 7 وبم كمم كىتاپحاناشىسى گۇلجان تۋكەنوۆاعا؛ 3 ورىن – «TAMOS EDUCATION فيزيكا-ماتەماتيكا مەكتەبىنىڭ» كىتاپحاناشىسىنا بۇيىردى. ەسكە سالايىق، ق ر ۇكىمەتىنىڭ قاۋلىسىمەن 24 قازان – كىتاپحاناشى كۇنى بولىپ بەلگىلەنگەن. بۇگىندە مەكتەپ كىتاپحاناشىلارىنا پەداگوگ مارتەبەسىن بەرۋ ماسەلەسى قاراستىرىلۋدا. بۇدان باسقا، بيىل وقۋ -اعارتۋ مينيسترلىگى جالپى ءبىلىم بەرەتىن مەكەمەلەردەگى 2165 كىتاپحاناشىنىڭ بىلىكتىلىگىن ارتتىرۋ كۋرستارىن وتكىزۋدى جوسپارلاۋدا.