ەسىرتكىگە قارسى زاڭنامانى جەتىلدىرۋ ساتىنەن باستاپ پوليسيا قىزمەتكەرلەرى 35 زەرتحانانى جويدى
الەمدە ءداستۇرلى ەسىرتكىلەردى – گەروين مەن ماريحۋانانى سينتەتيكالىق ەسىرتكىلەرمەن الماستىرۋ ءجيى بايقالىپ كەلەدى. بۇل جاھاندىق ەسىرتكى احۋالىنىڭ زاماناۋي ترەندى، ەڭ الدىمەن، ولاردى دايىنداۋدىڭ جانە قولدانۋ قاراپايىمدىلىعىمەن بايلانىستى.
العاشقى كەزدە قازاقستانداعى مۇنداي ەسىرتكى تولىعىمەن شەتەلدە وندىرىلگەن جانە ءبىزدىڭ ەلگە كونتراباندالىق جولمەن نەمەسە پوشتالىق جانە لوگيستيكالىق كولىك ارنالارى ارقىلى اكەلىنگەن، دەپ حابارلايدى Almaty-akshamy.kz Polisiakz-كە سىلتەمە جاساپ.
كەيدە “سينتەتيكا” – كونسترۋكتورلار، ياعني زاڭدى تۇردە حيميالىق زاتتار رەتىندە اكەلىنىپ، ولاردان ەسىرتكىنىڭ از دوزالارى سول جەردە شىعارىلىپ وتىردى. الايدا ءقازىر ەسىرتكىنىڭ “قارا” نارىعىن تالداۋ ەسىرتكى ساتۋشىلاردىڭ جاسىرىن زەرتحانالار جاعدايىندا ەل ىشىندە سينتەتيكالىق ەسىرتكى وندىرىسىنە قايتا باعدارلانعانىن ايعاقتايدى.
مۇندا بەلگىلى ءبىر دارەجەدە سوVID-19 تارالۋىنا بايلانىستى قابىلدانعان شەكتەۋلەر اسەر ەتتى. قۇقىق قورعاۋ ورگاندارى جاعدايدىڭ وسىلاي وربۋىنە دايىن بولدى. 2019-2020 جىلدارى زاڭنامالىق باستامالار پاكەتى قابىلداندى: ەسىرتكىنىڭ جاڭا تۇرلەرىن ەسەپكە قويۋ جەڭىلدەتىلدى، ولاردىڭ اينالىمى ءۇشىن جاۋاپكەرشىلىك كۇشەيتىلدى.
قىلمىستىق كودەكسكە ەسىرتكىنى ينتەرنەت ارقىلى تاراتۋ، ەسىرتكىنى ناسيحاتتاۋ جانە جارنامالاۋ سياقتى قىلمىستىڭ جاڭا تۇرلەرى ەنگىزىلدى. وسى ساتتەن باستاپ ءىىم ەسىرتكى زاتتارىنىڭ ءتىزىمىن ءۇش رەت تولىقتىردى جانە بارلىعى 115 جاڭا پسيحوبەلسەندى زاتتى مەملەكەتتىك باقىلاۋعا ەنگىزدى
جەرگىلىكتى ەسىرتكى بيزنەسىنىڭ “سينتەتيكا” وندىرىسىنە قايتا باعدارلانۋىنا بايلانىستى، سينتەتيكالىق ەسىرتكى ءوندىرۋ ءۇشىن پايدالانىلاتىن زاتتار – پرەكۋرسورلاردىڭ اينالىمى ءۇشىن جاۋاپكەرشىلىكتى كۇشەيتۋ بويىنشا ماردىمدى (پارمەندى) شارالار قابىلداندى. ۇكىمەت قاۋلىسىمەن اسا ءقاۋىپتى زاتتاردىڭ (مەفەدرون، پيروۆالەرون جانە ولاردىڭ انالوگتارى، سينتەتيكالىق كاننابينويدتار) “كريمينالدىق” مولشەرى ازايتىلدى جانە تيىسىنشە ولاردى وتكىزۋ ماقساتىنسىز زاڭسىز ساقتاعانى ءۇشىن قىلمىستىق جاۋاپكەرشىلىك كۇشەيتىلدى.
ەندى مۇنداي زاتتاردى ساقتاۋ ءۇشىن قىلمىستىق جاۋاپكەرشىلىك ءبىر گرامنان باستالادى، ەگەر ولار ءبىلىم بەرۋ ۇيىمدارىندا تاراتىلاتىن بولسا، جازا ءومىر بويىنا باس بوستاندىعىنان ايىرۋعا دەيىن جەتەدى. زاڭناماعا تۇزەتۋلەر قابىلدانعان ساتتەن، 2019 جىلدان باستاپ ىشكى ىستەر ورگاندارى 182 كگ “سينتەتيكانى” تاركىلەي وتىرىپ، 35 ەسىرتكى زەرتحاناسىن جويدى. بارلىق جاعدايلاردا حيميالىق پرەكۋرسورلار، رەاگەنتتەر، زەرتحانالىق جابدىقتار قازاقستانعا لوگيستيكالىق كومپانيالار، كورشى ەلدەردىڭ پوشتا جونەلتىلىمدەرى ارقىلى جەتكىزىلىپ وتىرعان.
سوندىقتان ءىىم كۇدىكتى جونەلتىلىمدەردى انىقتاي وتىرىپ، كولىك-لوگيستيكالىق كومپانيالارمەن تىعىز ءوزارا ءىس-قيمىل جاسايدى. وتكەن ايدا ءىىم ۇيلەستىرۋىمەن ەلوردالىق جانە قاراعاندىلىق ەسىرتكى پوليسەيلەرى نۇر-سۇلتان قالاسىنىڭ تۇرعىندارىن ۇستادى، ولار “Family Village” كوتتەدج قالاشىعىنداعى ۇيلەردىڭ بىرىندە ەسىرتكى ءوندىرىسىن جولعا قويىپ، ولاردى قالادا كوتەرمە ساتۋمەن اينالىسقان. سول كەزدە 1200 “ەكستازي”، 2 كگ “الفا-PVP” تابلەتكالارى جانە 140 ليتر پرەكۋرسورلار تاركىلەندى. سالماعى 1،2 كگ بولاتىن سينتەتيكا جاسىرىلعان ەكى جەر اشكەرەلەندى. تەك وسى فاكت بويىنشا شامامەن ءتورت كەلى سينتەتيكالىق ەسىرتكى تاركىلەندى.
اعىمداعى جىلدىڭ ەكى ايىندا پوليسيا سينتەتيكانىڭ زاڭسىز اينالىمىمەن بايلانىستى 286 ەسىرتكى قىلمىسىن، ونىڭ ىشىندە سينتەتيكالىق ەسىرتكىنى وتكىزۋدىڭ 107 فاكتىسىن، اسا ءىرى مولشەردە ەسىرتكى ساقتاۋدىڭ 39 فاكتىسىن جانە سينتەتيكالىق ەسىرتكىلەردى جارنامالاۋدىڭ التى فاكتىسىن انىقتادى. جەتى زەرتحانانى جويدى.