قازاقستاننىڭ جۇپتىق سىنداعى ءبىرىنشى راكەتكاسى جارتىلاي فينالدا
قازاقستاندىق تەننيسشى گەرمانيالىق الەكساندر زۆەريەۆپەن بىرگە شيرەك فينالدا امەريكالىقتار تەيلور فريس – توممي پولمەن شەبەرلىك بايقاستى، دەپ حابارلايدى Almaty-akshamy.kz ۇلتتىق وليمپيادا كوميتەتىنىڭ سايتىنا سىلتەمە جاساپ.
قازاقستاندىق-امەريكالىق جۇپ 6:4، 7:6 (7:3) ەسەبىمەن جەڭىسكە جەتتى. ولار ساعات جارىمعا جۋىق ۋاقىتقا سوزىلعان ماچ بارىسىندا 6 ەيس جاساپ، 4 برەيك-پوينتتىڭ بىرەۋىن پايدالاندى. قارسىلاستارى 6 ەيسكە قول جەتكىزگەنىمەن، 5 برەيك-پوينتتى ءمۇلت جىبەردى.
ا.گولۋبيەۆ پەن ا.زۆەريەۆ جارتىلاي فينالدا امەريكالىقتار دجون يزنەر – دجەك سوك نەمەسە يسپانيالىق فيليسيانو لوپەس – گرەكيالىق ستەفانوس سيسيپاس جۇپتارىنىڭ قاي جەڭگەنىمەن كەزدەسەدى. اندرەي گولۋبيەۆ وسىعان دەيىن جەكەلەي جانە جۇپتىق سىندا ماستەرس جارىستارىندا جارتىلاي فينالدا ويناماعان ەدى.