قازاقستان، ارمەنيا، قىرعىزستان اراسىنداعى الىم-سالىق بۇرىنعىداي اقش دوللارىمەن جۇرگىزىلەدى
الەۋمەتتىك جەلىلەردە "ەۋرازيالىق ەكونوميكالىق وداققا مۇشە ەلدەر ءوزارا رۋبلمەن ەسەپ ايىرىسادى. بۇل تۋرالى رەسەيدىڭ ەكونوميكالىق دامۋ ءمينيسترى ماكسيم رەشەتنيكوۆ ايتتى" دەگەن اقپارات ءورىپ ءجۇر… بۇل مالىمەتتى قازاقستانداعى كەيبىر اقپاراتتىق سايتتار دا جاريالاپ ۇلگەردى، دەپ حابارلايدى اlmaty-akshamy.kz
بۇعان قاتىستى ق ر پرەمەر-مينيسترىنىڭ ورىنباسارى - ساۋدا جانە ينتەگراسيا ءمينيسترى باقىت سۇلتانوۆ: "ءبىرىڭعاي رۋبلدىك ايماق تۋرالى ءسوز جوق. كۇن تارتىبىندە مۇنداي ماسەلە دە بولعان جوق. ورىن العان قيىندىقتاردان قالاي شىعۋدىڭ مەحانيزمى توڭىرەگىندە اڭگىمە بولدى"، - دەپ مالىمدەدى LSnews باسىلىمىندا.
"رەسەي مەن بەلارۋس ەلدەرىنە سالىنعان سانكسيالارعا قاتىستى كەدەندىك وداققا مۇشە ەلدەردىڭ كەدەندىك الىم-سالىقتارى ءوزارا اقش دوللارىمەن جۇزەگە اسۋى مۇمكىن بولماي قالدى. سول سەبەپتى كەلىسسوزدە قازاقستان ۇسىنعان ۇستانىم قولداۋ تاپتى.
ياعني، يمپورتتىق كەدەندىك باج رەسەي مەن بەلارۋس ەلدەرىنە رۋبلمەن جۇزەگە اسادى. الايدا ءرۋبلدىڭ باعامى ءار ەلدىڭ ءوز ۇلتتىق بانكتەرى شەڭبەرىندە رەتتەلەدى. ال، قازاقستان، ارمەنيا، قىرعىزستان اراسىنداعى الىم-سالىق بۇرىنعىداي اقش دوللارىمەن جۇرگىزىلەدى".
بۇل - ق ر ۇكىمەتىنىڭ رەسمي مالىمەتى.