قازاقستاندا دەنساۋلىق ساقتاۋداعى سيفرلىق قۇرالداردى ماسشتابتاۋ جالعاسۋدا.
2025 جىلدىڭ ءبىرىنشى جارتىجىلدىعىندا ەل حالقىنا 1،8 ميلليونعا جۋىق قاشىقتىقتان مەديسينالىق قىزمەت كورسەتىلدى، بۇل جالپى ساننىڭ 8،35%-ىن قۇرايدى، دەپ حابارلايدى aqshamnews.kz.
بۇل تۋرالى دەنساۋلىق ساقتاۋ ۆيسە-مينيسترى ەربول وسپانوۆ ۆەدومستۆو القاسىندا مالىمدەدى.
پاسيەنتتەردى سايكەستەندىرۋدىڭ سيفرلىق قۇرالدارىن قولدانۋدى ماسشتابتاۋ شەڭبەرىندە ەل بويىنشا مەديسينالىق ۇيىمداردىڭ 80%-ى قاجەتتى ۆەب-كامەرالارمەن قامتاماسىز ەتىلگەن.
سيفرلىق سايكەستەندىرۋدەن وتكەن پاسيەنتتەردىڭ ۇلەسى 79%-عا دەيىن ءوستى.
سونداي-اق، «الەۋمەتتىك ءاميان» ارقىلى دارى-دارمەكتەرمەن قامتاماسىز ەتۋ جۇمىستارى جالعاسۋدا، جىل باسىنان بەرى 6 ايدا دارى-دارمەكتەرگە جىبەرىلگەن رەسەپتىلەردىڭ 76،3%-ى قامتاماسىز ەتىلدى، دەپ اتاپ ءوتتى ە.وسپانوۆ.
سيفرلاندىرۋدى ارتتىرۋ جونىندەگى جۇمىس شەڭبەرىندە دەنساۋلىق ساقتاۋ باسقارمالارىنىڭ باسشىلارىنا مەديسينالىق ۇيىمداردى ۆەب-كامەرالارمەن جاراقتاندىرۋ جونىندەگى جۇمىستاردىڭ اياقتالۋىن قامتاماسىز ەتۋ، پاسيەنتتەردى سيفرلىق سايكەستەندىرۋگە تولىق كوشۋدى قامتاماسىز ەتۋ، «الەۋمەتتىك ءاميان» ارقىلى دارىلىك زاتتاردى قامتاماسىز ەتۋ جونىندەگى شارالاردى كۇشەيتۋ تاپسىرىلدى.