2024 جىلدان باستاپ قازاقستاندا ۆاۋچەرلىك قارجىلاندىرۋ ادىستەمەسىن قولدانا وتىرىپ، مەكتەپكە دەيىنگى تاربيە مەن وقىتۋعا مەملەكەتتىك تاپسىرىستى ورنالاستىرۋ بويىنشا پيلوتتىق جوبا ىسكە اسىرىلا باستادى.
بۇگىنگى تاڭدا ۆاۋچەرلىك قارجىلاندىرۋ تاراز (جامبىل وبلىسى)، تۇركىستان، شىمكەنت، ورال جانە استانا قالالارىندا جۇزەگە اسۋدا، دەپ حابارلايدى aqshamnews.kz.
وقۋ-اعارتۋ مينيسترلىگىنىڭ مالىمەتىنشە، مەكتەپكە دەيىنگى ءبىلىم بەرۋدى ۆاۋچەرلىك قارجىلاندىرۋ جوباسى بەلگىلەنگەن تالاپتارعا ساي بولعان جاعدايدا بارلىق مەكتەپكە دەيىنگى ۇيىمدارعا، ونىڭ ىشىندە جاڭادان اشىلعان ۇيىمدارعا دا مەملەكەتتىك تاپسىرىستى ورنالاستىرۋعا مۇمكىندىك بەرەدى.
نەگىزگى ارتىقشىلىقتارى: اتا-انالارعا بالاباقشانى ءوز بەتىنشە تاڭداۋ مۇمكىندىگى بەرىلەدى، بۇل جەكە جانە مەملەكەتتىك مەكتەپكە دەيىنگى ۇيىمدار اراسىندا دۇرىس باسەكەلەستىكتى ىنتالاندىرادى. جۇيە، ەڭ الدىمەن، بۇكىل قارجىلاندىرۋ پروسەسىنىڭ اشىقتىعىن قامتاماسىز ەتەدى، مۇندا «اقشا ۇيىمعا ەمەس، بالاعا بەرىلەدى».
جاڭا جۇيە بالاباقشاعا كەزەككە تۇرۋ پروسەدۋراسىن جەڭىلدەتىپ قانا قويماي، سونىمەن قاتار مۇنداعى ءتۇرلى زاڭسىز فاكتورلاردى جويادى. ۆاۋچەرلىك قارجىلاندىرۋ قاعيداتتارىنىڭ ءبىرى — سەرپىندى باسەكەلەستىك قۇرۋ جانە تيىسىنشە قىزمەت كورسەتۋ ساپاسىن جاقسارتۋ بولىپ تابىلاتىنىن اتاپ وتكەن ءجون.
2025 جىلدان باستاپ ۆاۋچەرلىك قارجىلاندىرۋ جۇيەسى ەل اۋماعىندا كەزەڭ-كەزەڭىمەن ەنگىزىلە باستايدى.