بارلىعى 4 مىڭعا جۋىق ادامنىڭ 5 مىڭ نەسيەسى ۋاقىتشا توقتاتىلدى.
بۇل جاستاردىڭ ەش الاڭداماي، وتان الدىنداعى بورىشىن وتەۋگە مۇمكىندىك بەرەدى. ساراپشىلار دا بۇل باستامانى قولداپ وتىر، دەپ حابارلايدى Almaty-akshamy.kz 24.kz-كە سىلتەمە جاساپ.
«مەرزىمدى اسكەري قىزمەتكە شاقىرىلعان ازاماتتارىمىز ءوزى نەمەسە ءوزى سەنىمحات جازىپ بەرگەن تۋىسقاندار ارقىلى نەسيەنى تولەم مەرزىمىن كەيىنگە قالدىرا الادى. بيىلعى جىلدا ۇستىمىزدەگى كوكتەمگى مەرزىمدى اسكەري قىزمەتكە شاقىرۋ بارىسىندا كرەديتتىك بەرەشەگى بار ازاماتتار ناقتىلانىپ، جەرگىلىكتى اگەنتتىكتىڭ فيليالدارىنا ۇسىنىلادى»، - دەيدى ق ر قك باس شتابى ۇيىمداستىرۋ-جۇمىلدىرۋ جۇمىستار دەپارتامەنتىنىڭ باسشىسى، اعا وفيسەر رۋسلان تاپاشيەۆ.
وسىعان دەيىن قارىزدى كوپتەگەن كوللەكتورلىق كومپانيالار ساربازدىڭ تۋىستارىنا جۇكتەيتىن. ونىڭ ۇستىنە 1 جىل تولەنبەگەن بەرەشەكتىڭ ءوسىمپ ۇلى ءوسىپ، ساربازدىڭ نەسيە تاريحى دا ناشارلايتىن ەدى. ەندى مۇنداي ماسەلەلەر بولمايدى. قارجى نارىعىن رەتتەۋ جانە دامىتۋ اگەنتتىگى بيىل بارلىعى 13 مىڭداي ساربازدىڭ ءتىزىمى كەلگەنىن مالىمدەدى. تەكسەرىستەن كەيىن 7 مىڭ ساربازدىڭ وتەلمەگەن نەسيەسى بارى انىقتالعان. ءقازىر كرەديتتىك كانيكۋل بەرۋ ءۇشىن ءالى دە ءتيىستى انىقتامالار جينالىپ جاتىر.
«قورعانىس مينيسترلىگى اسكەري قىزمەتشىلەردىڭ ءتىزىمىن اگەنتتىككە جىبەرەدى. اگەنتتىك وسى ءتىزىم بويىنشا، قاي اسكەري قىزمەتشىدە كرەديت بار ەكەنىن انىقتاپ، وسى ءتىزىمدى كرەديتورعا جىبەرەدى. اسكەري قىزمەتشى ءوزىنىڭ قارىزدارى بويىنشا تولەمدەردى كەيىنگە قالدىرۋ ءۇشىن بانك نەمەسە ميكروقارجىلىق ۇيىمدارعا وتىنىشپەن جۇگىنۋ قاجەت»، - دەيدى ق ر قنردا قارجىلىق قىزمەتتەردى تۇتىنۋشىلاردىڭ قۇقىقتارىن قورعاۋ دەپارتامەنتىنىڭ باس مامانى بەللا چيكانوۆا.