كورىكتى جەرلەردى ارالاپ، ۇزدىك 10 تۋريستىك ايماققا اۋە بايلانىسى ارقىلى تەگىن قاتىناۋ ءۇشىن وتاندىق تۋروپەراتورلاردان جولداما ساتىپ الۋ قاجەت. ياعني كامەلەتكە تولماعان بالالارى بار وتباسىلار ىشكى دەمالىستىڭ ۇشتەن بىرىنە دەيىن ۇنەمدەي الادى، دەپ حابارلايدى Almaty-akshamy.kz
نەگىزگى وپەراتورى رەتىندە «Kazakh Tourism» كومپانياسى بەكىتىلگەن «Kids go free» بىرەگەي باعدارلاماسىنىڭ ىسكە قوسىلۋى جانە مۇمكىندىكتەرى جايىندا ونىڭ وكىلى ەرنۇر كەنجەبەكوۆ ايتىپ بەردى.
«بۇل – ءبىزدىڭ ەلىمىزدە عانا ەمەس، بۇكىل الەمدە العاش رەت قولعا الىنىپ وتىرعان جوبا. جەكەلەگەن كومپانيالار بولماسا، ۇكىمەت دەڭگەيىندە مۇنداي باعدارلامانى ءالى ەشكىم ىسكە قوسقان جوق. «Kids go free» باعدارلاماسى قازاقستاندىق وتباسىلاردى ەل ىشىندە دەمالۋعا ىنتالاندىرادى. ياعني جانۇيا بيۋدجەتىن 30% دەيىن ۇنەمدەۋگە، سونداي-اق وتاندىق تۋروپەراتورلار ءۇشىن قاراپايىم وتباسىلارعا قولجەتىمدى پاكەتتىك تۋرلاردى كوبىرەك ساتۋعا مۇمكىندىك بەرەدى. ونىڭ اياسىندا 2 جاستان 18 جاسقا دەيىنگى بالالار ءۇشىن بيلەتتىڭ تولىق قۇنى جىل بويى كەز كەلگەن ۋاقىتتا وتەلەدى»، - «Kazakh Tourism» ۇك» اق وكىلى ەرنۇر كەنجەبەكوۆ.
سالا مامانى 1 قاڭتاردان باستاپ كۇشىنە ەنگەن تۋريستىك باعىتتى مەملەكەتتىك قولداۋدىڭ باسقا دا شارالارى تۋرالى قۇلاعدار ەتتى.
«تۋريستىك نىسانداردى جاڭادان سالۋ نەمەسە قولدانىستاعىنى جاڭعىرتۋعا كەتكەن شىعىننىڭ 10% وتەلەدى. سونداي-اق قوناقۇيلەر، كەمپينگتەر، تەحنيكالىق قاداعالاۋ، جانارماي بەكەتتەرى، تاماقتانۋ ورىندارى مەن ساۋدا نۇكتەلەرىن تۇرعىزۋ سىندى جول بويىنداعى قىزمەت تۇرلەرىنە جۇمسالعان قارجىنىڭ دا ءدال سونداي مولشەرى تولتىرىلاتىن بولادى. تۋريستىك اۆتوبۋستار، تاۋ شاڭعىسى بازالارىنا ارنالعان تەحنيكانى ساتىپ الۋ قۇنىنىڭ 25% مەملەكەت ءوز موينىنا الادى»، - دەيدى «Kazakh Tourism» ۇك» اق وكىلى ەرنۇر كەنجەبەكوۆ
سونداي-اق ىشكى ءتۋريزمدى دامىتۋ ماقساتىندا قازاقستانعا كەلگەن ءاربىر شەتەلدىك ساياحاتشى ءۇشىن سۋبسيديالار قاراستىرىلعان. تۋروپەراتورلار ءار شەتەلدىك قوناققا شامامەن 15 مىڭ تەڭگە الادى. وسىلايشا مەملەكەت ۇسىنىپ وتىرعان جاڭا قولداۋ شاراسى قوناقتاردىڭ ەلىمىزدە كەمىندە 5 كۇن بولۋىن كوزدەيتىن پاكەتتىك ساتىلىمداردىڭ ۇلەسىن بەلسەندى تۇردە ارتتىرۋعا سەرپىن بەرمەك.