وتاندىق ءبىلىم جانە عىلىم سالاسىنداعى وتكەن جىلعى جۇمىستىڭ قورىتىندىلارى مەن بيىلعا ارنالعان مىندەتتەر باياندالعان ق ر ءبىلىم جانە عىلىم مينيسترلىگىنىڭ كەڭەيتىلگەن القا وتىرىسىندا كۇن تارتىبىندەگى وزەكتى ماسەلەلەر تالقىلاندى. ءبىلىم سالاسىنداعى نەگىزگى باعىتتار بويىنشا اتقارىلعان جۇمىستاردىڭ ناتيجەلەرى دە مالىمدەلدى. ق ر ءبىلىم جانە عىلىم مينيسترلىگىنىڭ اشىقتىق ساياساتى بيلىك پەن بۇقارا اراسىندا التىن كوپىر بولا الادى.
ق ر پرەمەر-مينيسترىنىڭ ورىنباسارى ەرالى توعجانوۆ قاتىسقان، ق ر ءبىلىم جانە عىلىم ءمينيسترى اسحات ايماعامبەتوۆ مودەراتورلىق ەتكەن القا وتىرىسىندا بيىل قازاقستاندىقتاردىڭ ساپالى ءبىلىم الۋعا قولجەتىمدىلىگى ارتاتىنى، بۇعان جاڭادان 200 مەكتەپ سالۋ ارقىلى وقۋشىلار ورنىنىڭ كوبەيۋى ىقپال ەتەتىنى، ءبىلىم بەرۋ ۇيىمدارىنا بىلىكتى پەداگوگتەر تارتىلاتىنى، ول ءۇشىن مينيسترلىك ءقازىردىڭ وزىندە الەۋمەتتىك پاكەتتى ۇسىنۋدى قولعا العانى، بالاباقشالاردا، مەكتەپتەردە، كوللەدجدەر مەن جوعارى وقۋ ورىندارىندا ءبىلىم الۋ ءۇشىن ءقاۋىپسىز جانە قولايلى جاعدايلار جاسالىپ، ءبىلىم بەرۋ قىزمەتىنىڭ ساپاسىنا باقىلاۋ دا كۇشەيتىلەتىنى ءسوز بولدى.
سونىڭ ىشىندە ق ر ءبىلىم جانە عىلىم ءبىرىنشى ۆيسە-مينيسترى شولپان تاڭات قىزى ايتقان پەداگوگتەردىڭ بىلىكتىلىگىن ارتتىرۋعا، قالا مەن اۋىل وقۋشىلارى اراسىنداعى ءبىلىم الشاقتىعىن ازايتۋعا دا باسا نازار اۋدارىلاتىنى قازاقستاندىق پەداگوگيكالىق قاۋىمداستىقتىڭ كوڭىلىنەن شىقتى.
«بيىل كەمىندە 70 مىڭ پەداگوگ جاڭا ءبىلىم بەرۋ باعدارلامالارى بويىنشا بىلىكتىلىكتى ارتتىرۋ كۋرستارىنان وتەدى. سونداي-اق، ماڭعىستاۋ، اتىراۋ، الماتى جانە تۇركىستان وبلىستارىندا مەكتەپ وقۋشىلارىنىڭ ءبىلىم ساپاسىن ارتتىرۋ ماقساتىندا وسى وڭىرلەرگە پەداگوگتەردى تارتۋ ءۇشىن ارنايى باعدارلاما ىسكە اسىرىلادى. ولارعا ايتارلىقتاي الەۋمەتتىك قولداۋ كورسەتىلەدى (كوەففيسەنتى جوعارى جالاقى، باسپانا جالداۋ جانە كوممۋنالدىق تولەمدەر شىعىندارىن وتەۋ). بۇل شارالار اتالعان ايماقتاردا ءبىلىم بەرۋ ساپاسى بويىنشا ۇلكەن الشاقتىقتى ازايتۋعا باعىتتالادى»، – دەپ ءتۇسىندىردى شولپان تاڭات قىزى.
راس، ادامي كاپيتالدىڭ ساپاسىن ارتتىرۋ – قوعام دامۋىن قامتاماسىز ەتۋدىڭ باستى تەتىگى. ال، قوعامنىڭ زياتكەرلىك الەۋەتىن ىلگەرىلەتۋدى جۇزەگە اسىرۋ پەداگوگتەرگە تىكەلەي بايلانىستى. سوندىقتان بولاشاق پەداگوگتەردى دايارلايتىن ءبىلىم ورداسى رەتىندە اباي اتىنداعى قازاق ۇلتتىق پەداگوگيكالىق ۋنيۆەرسيتەتى دە پرەزيدەنت تاپسىرماسىمەن قولعا العان ق ر ءبىلىم جانە عىلىم مينيسترلىگىنىڭ بارلىق باستامالارىنىڭ ءساتتى جۇزەگە اسۋىنا وزىندىك ۇلەس قوساتىنىنا ەش كۇمان جوق. وسى باعىتتاعى جۇمىستار جالعاسا بەرەدى.