وعان سەبەپ - قولدانىستاعى زاڭنامادا ارنايى نورمانىڭ بولماۋى.
بۇل تۋرالى تۇتىنۋشىلاردىڭ قۇقىقتارىن قورعاۋ كوميتەتىنىڭ ءتوراعاسى اسقار تىنىسبەكوۆ ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«بيىلعى 10 ايدا تۇتىنۋشىلاردىڭ قۇقىقتارىن قورعاۋ كوميتەتىنە كەلىپ تۇسكەن وتىنىشتەردىڭ 45،6 پايىزى شەشىمىن تاپتى. 42،4 پايىزىندا كورسەتىلگەن ماسەلە بويىنشا قۇقىقتىق كومەك كورسەتىلدى. ال وتىنىشتەردىڭ 12 پايىزىندا تۇتىنۋشىلاردىڭ قۇقىعى قورعالعان جوق. مىنە، ءدال وسى 12 پايىز ازاماتتىڭ تۇتىنۋشى قۇقىعىن قاساقانا بۇزعان بيزنەس سۋبەكتىلەرىنە ايىپپۇل سالۋ ءۇشىن زاڭنامادا ارنايى نورما قاجەت»، - دەپ اتاپ ءوتتى اسقار تىنىسبەكوۆ.
ونىڭ ايتۋىنشا، اعىمداعى جىلدىڭ 10 ايىندا قۇقىعى ساقتالماعان تۇتىنۋشىلاردان تۇسكەن ارىزدار بىلتىرمەن سالىستىرعاندا 139 پايىزعا وسكەن.