2022 جىلدىڭ 22 قاراشاسىندا قۋاتى 50 مۆت جەل ەلەكتر ستانسيالارىن ىرىكتەۋ بويىنشا ق ر ءبىرتۇتاس ەلەكتر ەنەرگەتيكالىق جۇيەسىنىڭ سولتۇستىك ايماعى ءۇشىن جاڭارتىلاتىن ەنەرگيا كوزدەرى بويىنشا ونلاين-اۋكسيون وتكىزىلدى.
اۋكسيوندىق ساۋدا-ساتتىققا 10 كومپانيا قاتىستى. جەس جوبالارىن ىرىكتەۋ بويىنشا اۋكسيوندىق ساۋدا-ساتتىقتى وتكىزۋ كەزىندەگى شەكتى اۋكسيوندىق باعا 2022 جىلى 21،53 تگ/كۆتساعاتتى قۇرادى، دەپ حابارلايدى Almaty-akshamy.kz.
ساۋدا-ساتتىق سەسسياسىن وتكىزۋ بارىسىندا اۋكسيوندىق ساۋدا-ساتتىققا قاتىسۋشىلاردان الىنعان وتىنىمدەردىڭ باعا دياپازونى 21،53-تەن 12،99 تگ/كۆتساعاتتى قۇرادى.
اۋكسيوندىق ساۋدا-ساتتىق قورىتىندىسى بويىنشا جەڭىمپاز بولىپ جوبانىڭ بەلگىلەنگەن قۋاتى 50 مۆت، 14،51 تگ/كۆتساعاتتى اۋكسيوندىق باعاسىمەن «Next Green Energy» ج ش س (قحر) انىقتالدى.
«اۋكسيوندىق باعا 39،7%-عا تومەندەدى، بۇل جاقسى ناتيجە. اۋكسيوندىق ساۋدا-ساتتىق نەعۇرلىم ءتيىمدى جوبالاردى ىرىكتەۋگە جانە جەك وبەكتىلەرى وندىرەتىن ەلەكتر ەنەرگياسىنا نارىقتىق باسەكەلەستىك باعالاردى قالىپتاستىرۋعا باعىتتالعان. اۋكسيوندىق ساۋدا-ساتتىقتى وتكىزۋ كەزىندە بايقاۋشىلار رەتىندە قازاقستان رەسپۋبليكاسى ەنەرگەتيكا مينيسترلىگىنىڭ، «Ecojer» زتب، «KazEnergy» زتب، «قازاقستان ەلەكتر ەنەرگەتيكالىق قاۋىمداستىعى» زتب، Qazaq Green قاۋىمداستىعى جانە «ەەقرقو» اق وكىلدەرى قاتىستى. بايقاۋشىلار اۋكسيوندىق ساۋدا-ساتتىقتاردىڭ بەكىتىلگەن نورماتيۆتىك-قۇقىقتىق اكتىلەرگە سايكەس وتكىزىلۋىن اتاپ ءوتتى جانە اۋكسيوندى ۇيىمداستىرۋشى – «ەەقرقو» اق ەلەكتروندىق ساۋدا جۇيەسى جۇمىسىنىڭ اشىقتىعىن راستادى»، - دەلىنگەن ۆەدومستۆو حابارلاماسىندا.