44 مىڭنان اسا اۋىل تۇرعىنى قالالىق تىركەۋگە اۋىسادى.
بيىل تاراز قالاسىنا 14 ەلدى مەكەن مەن بايزاق جانە جامبىل اۋداندارىنىڭ ەكى ساياجايى قوسىلادى، دەپ حابارلايدى اlmaty-akshamy.kz 24 kz ارناسىنا سىلتەمە جاساپ.
باس جوسپار ۇكىمەتتە بەكىتىلسە، 44 مىڭنان اسا اۋىل تۇرعىنى قالالىق تىركەۋگە اۋىسادى. جوسپارعا سايكەس، شاھار كولەمى 30 مىڭ گەكتارعا دەيىن وسەدى. تارازدىڭ اكىمى 2025 جىلعا دەيىن قالا ەكى اكىمشىلىك اۋدانعا بولىنەتىنىن مالىمدەدى. بۇل - حالىق سانىنىڭ 400 مىڭنان اسۋىنا بايلانىستى ورىندالاتىن زاڭنامالىق تالاپ. سونىمەن قاتار جىل سوڭىنا قاراي وبلىس ورتالىعىندا 3 جاڭا اۋداننىڭ قۇرىلىسى باستالماق. ولاردىڭ ءارقايسىسىندا 60-70 كوپ قاباتتى تۇرعىن ءۇي مەن الەۋمەتتىك نىساندار بوي كوتەرەدى. تارازدا كوپ جىلدان بەرى 2 كوپىرگە قاجەتتىلىك تۋىنداعان. بۇل ماسەلەنى شەشۋ ءۇشىن رەسپۋبليكالىق بيۋدجەتتەن 20 ملرد تەڭگەدەن اسا قارجى بولىنەتىن بولدى.
قالا اكىمى باقىتجان ورىنبەكوۆتىڭ ايتۋىنشا، «زا لينيەي» دەگەن اتاۋى بار ايماقتى قالادان تەمىرجول ءبولىپ تۇر. وسى تەمىرجولدىڭ ۇستىنەن اسپالى كوپىر سالۋ جوسپارعا ەنگەن. بولاشاق جاڭا شاعىناۋداندارمەن قوسۋ ءۇشىن 1،8 كم قۇرايتىن اسپالى كوپىردىڭ قۇرىلىسى جوسپارلانعان».