الماتىدا كاراتە سايىسى ءوتتى

تۋرنير توكيونىڭ 2023 جىلعى ءابسوليۋتتى الەم چەمپيوناتىنا ىرىكتەۋ ماقساتىندا ۇيىمداستىرىلدى.

الماتىدا كاراتە شينكيوكۋشينكايدان ەرلەر اراسىنداعى قازاقستان رەسپۋبليكاسىنىڭ كۋبوگى ءوتتى، دەپ حابارلايدى اlmaty-akshamy.kz

كاراتە سايىسىندا ابسوليۋتتىك سالماق دارەجەسى بويىندا وڭىرلەردەن كەلگەن سپورتشىلار ب ا ق سىنادى.

تۋرنيرگە ەلىمىزدىڭ بارلىق وڭىرلەرىنەن 18 جاسقا تولعان سپورتشىلار قاتىستى. بۇل تۋرنير توكيونىڭ 2023 جىلعى ءابسوليۋتتى الەم چەمپيوناتىنا ىرىكتەۋ ماقساتىندا ۇيىمداستىرىلدى. وسى جارىس قورىتىندىسى بويىنشا ءتورت مىقتى سپورتشى سوندا اتتانادى.

سونداي-اق سپورتشىلاردىڭ جاي-كۇيى جايىندا وي-پىكىرلەر ايتىلدى. بۇل تۋرالى قازاقستان كاراتە شينكيوكۋشينكاي فەدەراسياسى پرەزيدەنتى بولات باقتايەۆ ايتىپ بەرەدى.

«بيىل قازان ايىندا جاپونيادا كاراتە شينكيوكۋشينكايدان جارىس وتەدى. وسى تۋرنيردەن ۇتقان 4 سپورتشىنى الىپ بارامىز. بۇل ەرەسەكتەر اراسىنداعى سايىس بولادى»، - دەدى ول.

سونىمەن قاتار، الداعى جوسپارلارىمەن ءبولىستى. ۇيىمداستىرىلاتىن شارالاردىڭ جاعدايى، حال-احۋالى جايىندا ويىمەن ءبولىستى.

«ۇستىمىزدەگى جىلى 9-10 ماۋسىمدا ازيا چەمپيوناتىن وتكىزەمىز. جاس مولشەرى 12-21 جاس ارالىعىن قامتيدى. بۇل الماتى قالاسىندا وتەدى»، - دەدى بولات باقتايەۆ.

ەلىمىزدەگى كاراتە سپورتىنىڭ دامۋ قارقىنى بويىنشا پىكىر ايتىلدى.

«ءوزىم وسى سپورتپەن بەلسەندى اينالىسامىن. الدا جاپونياداعى الەمدىك دودادا توپ جارۋ قاجەت. ەل نامىسىن قورعاۋ باستى مىندەت دەپ تۇسىنەمىز»، - دەدى سپورتشى ەلامان مۇقاشيەۆ.