قىزمەتتىك يتتەر 8 جىلدان كەيىن "زەينەتكە" شىعادى
ق ر ءىىم كينولوگيالىق ورتالىعىنىڭ باستىعى، پوليسيا پولكوۆنيگى نۇسقابەك زاۋلانبايەۆتىڭ ايتۋىنشا، قىلمىستى اشۋدا قىزمەتتىك ءيتتىڭ ءرولى كۇن سايىن ارتىپ كەلەدى. ماسەلەن، قازاقستاندا 8 ايدا ىزدەستىرۋ يتتەرىنىڭ كومەگىمەن 4292 قىلمىس اشىلدى، ونىڭ 618ء-ى - ەسىرتكى قىلمىسى. 355 كەلى ەسىرتكى زاتتارى (ونىڭ ىشىندە 6 كەلى 130 گرامم سينتەتيكالىق زاتتار) تاركىلەنگەن، دەپ حابارلايدى Almaty-akshamy.kz وڭىرلىك كوممۋنيكاسيالار قىزمەتىنە سىلتەمە جاساپ.
ق ر ءىىم كينولوگيالىق ورتالىعىنىڭ باستىعى تامىز ايىندا الماتى وبلىسىندا ءوتىپ جاتقان "قاراسورانىڭ" جەدەل الدىن الۋ ءىس-شاراسى اياسىندا پوليسەيلىك ءيتتىڭ ارقاسىندا 290 گرامم گەروين انىقتالىپ، تاركىلەنگەنىن مىسالعا كەلتىردى.
"كينولوگيالىق ورتالىقتا يتتەردى قىزمەت ەتۋگە دايىنداپ قانا قويماي، كينولوگ-مامانداردى دا وقىتادى. بۇل ءۇشىن تۇركسىب اۋدانىندا ورنالاسقان ورتالىقتا قىزمەتتىك يتتەردى ساپالى دايىنداۋ ءۇشىن بارلىق جاعدايلار مەن مۇمكىندىكتەر بار. جاقسى ماتەريالدىق-تەحنيكالىق بازا قۇرىلدى، مۇندا بەلگيالىق، نەمىس جانە شىعىس ەۋروپالىق شوپان يتتەرى وسىرىلەدى. جىل سايىن ەلىمىزدىڭ وڭىرلەرىنە قىلمىسپەن كۇرەس جانە قوعامدىق ءتارتىپتى قورعاۋ جۇزەگە اسىرىلاتىن 50-گە جۋىق قىزمەتتىك يت بەرىلەدى. سونىمەن قاتار، وقىتۋ كۋرسىنان 150-دەن استام كينولوگ پەن سونشا يت وتۋدە"، - دەدى ن. زاۋلانبايەۆ.
ارنايى دايىندىق بولىمشەسىنىڭ اعا جەدەل ۋاكىلى، پوليسيا كاپيتانى (نۇسقاۋشى) رۋسلان كانافين ەلىمىزدىڭ پوگوندى كينولوگتارى ءوز يتتەرىمەن بىرگە وقۋ ءۇشىن ورتالىققا كەلىپ جاتقانىن ايتتى. باستاپقىدا بارلىق يتتەر سىناقتان وتەدى، باسقاشا ايتقاندا، ولاردىڭ "تالانتتارىن" بەلگىلى ءبىر باعىتتا انىقتايدى.
"بۇل رەتتە بارلىق يتتەر الەۋمەتتەنۋ مەن بەيىمدەلۋدەن وتەدى، ويتكەنى ولار كليماتتىق جاعدايى الماتىدان وزگەشە ءار ءتۇرلى وڭىرلەردەن كەلەدى. سونىمەن قاتار، كينولوگتار ءۇي جانۋارلارى اۋىرعان جاعدايدا كورسەتىلەتىن مەديسينالىق كومەكتەن باستاپ وقىتىلادى. سونداي-اق، يتتەردى وقىتۋ تاكتيكاسى، ءيتتىڭ تەمپەرامەنتىن اجىراتا ءبىلۋ. سوڭىندا كينولوگتار سىناق تاپسىرادى"، - دەدى ر. قانافين.
پوليسيا كاپيتانى ۇيرەتىلگەن يتتەردى ەسىرتكىمەن "تاماقتاندىرادى" دەگەن اڭىزداردى جوققا شىعاردى. بارلىعى وقىتۋ ادىسىنە نەگىزدەلگەن، ءدامدى تازارتۋ، ويىن ءادىسى، باسۋ ءادىسى جانە باسقالارى بار. جالپى ءادىس – دوپپەن ويىن.