ءوڭىر اكىمدەرى سۋ تاسقىنىنىڭ زاردابىن ازايتۋ ماسەلەلەرىن جەكە باقىلاۋدا ۇستاۋعا ءتيىس
ق ر پرەمەر-مينيسترى ءاليحان سمايىلوۆ سۋ تاسقىنىنا قارسى ءىس-شارالاردىڭ جول كارتاسىن ىسكە اسىرۋ ماسەلەلەرى بويىنشا كەڭەس وتكىزىپ، ءبىرقاتار تاپسىرما بەردى، دەپ حابارلايدى Almaty-akshamy.kz.
پرەمەر-مينيستر جول كارتاسىنىڭ وسى جىلعا ارنالعان ءىس-شارالارىن ىسكە اسىرۋ جونىندەگى جۇمىستاردى اياقتاۋدى جەدەلدەتۋدى، سۋ باسىپ قالاتىن ءقاۋىپتى جەرلەردى عيماراتتار سالۋعا بەرىپ قويماۋ ءۇشىن ولاردى سۋدان قورعاۋ بەلدەۋلەرىنە ۋاقىتىلى اۋىستىرۋدى قامتاماسىز ەتۋدى، سونىمەن قاتار ءتيىستى قۇرىلىس نورمالارى مەن ەرەجەلەرىندە جاۋىن-شاشىن كارىزدەرى جۇيەلەرىنىڭ وتكىزۋ قابىلەتى نورمالارىن قايتا قاراۋدى تاپسىردى.
«كەلەسى كوكتەمدە سۋ تاسقىنىنا دايىن بولۋ ءۇشىن قازىردەن-اق قوماقتى قارجى شىعىنىن قاجەت ەتپەيتىن الدىن الۋ جۇمىسىن جۇرگىزۋ كەرەك. ياعني وزەن ارنالارىن، ارىقتار مەن كانالداردى، درەناج جۇيەلەرىن تازارتۋ، قورعاۋ بوگەتتەرىن سالۋ جانە گيدروتەحنيكالىق قۇرىلىستاردى دايىنداۋعا باسا نازار اۋدارۋ كەرەك. جالپى، ءوڭىر اكىمدەرى سۋ تاسقىنىنىڭ زاردابىن ازايتۋ ماسەلەلەرىن جەكە باقىلاۋدا ۇستاۋى ءتيىس»، — دەدى ۇكىمەت باسشىسى.
توتەنشە جاعدايلار ءمينيسترى يۋريي يلين بيىلعى كوكتەمدە ەلدى مەكەندەردى سۋ باسۋدىڭ نەگىزگى سەبەبى ەگىستىكتەردەن ەرىگەن قار مەن جاڭبىر سۋلارىنىڭ مول اعۋى ەكەنىن ايتتى. بۇل ورايدا سۋ تاسقىنىنا قارسى ءىس-شارالاردى ۋاقىتىلى جۇرگىزۋ ارقىلى عانا تج تۋىنداۋ تاۋەكەلىن تومەندەتۋگە بولادى.
ونىڭ ايتۋىنشا، ءقازىر سۋ تاسقىنى ءقاۋپى بار ەلدى مەكەندەردىڭ تىزىمىنە تۇزەتۋ ەنگىزىلدى. ولاردىڭ سانى 1 046-عا دەيىن ارتتى.