ستاتيستيكا جاسالدى
قازاقستانعا 200 مىڭعا جۋىق شەتەلدىك تۋريست كەلگەن، دەپ حابارلايدى Almaty-akshamy.kz مادەنيەت جانە سپورت مينيسترلىگىنە سىلتەمە جاساپ حابارلايدى.
ەQonaq اقپاراتتىق جۇيەسىنىڭ دەرەكتەرىنە سايكەس، جىل باسىنان بەرى ەل اۋماعىنا 195 149 شەتەلدىك تۋريست كەلگەن. 2020 جىلعى قاراشادا ىسكە قوسىلعان جۇيە قازىرگى ۋاقىتتا رەسپۋبليكالىق ماڭىزى بار 3 قالانى جانە 14 وبلىس ورتالىعىن قامتيدى.
بيىلدىڭ وزىندە ستاتيستيكاعا ساي شەتەلدىك تۋريستەر باسىم وڭىرلەر قاتارىندا:
- الماتى (73 012 ادام)؛
- نۇر-سۇلتان (44 859 ادام)؛
- قىزىلوردا وبلىسى (9735ادام)؛
- ماڭعىستاۋ وبلىسى (9384 ادام) بار.
ولاردىڭ 67% - ىن رەسەي فەدەراسياسىنان، 16% - ىن وزبەكستاننان، 6% -ىن تۇركيادان، 4% - ىن قحر-دان جانە 7% - ىن باسقا مەملەكەتتەردەن كەلگەن تۋريستەر قۇرايدى.