قازاقستان اۆتووداعىنىڭ ساراپشىلارى اۆتوكولىك سالاسىنداعى جاعدايعا قاتىستى بولجامدارىمەن ءبولىستى.
باعا بولجامى
ساراپشىلاردىڭ مالىمەتىنشە، وتكەن جىلدىڭ قاراشا ايىندا قازاقستاندا جاڭا كولىكتەردىڭ ورتاشا سارالانعان باعاسى 14،8 ميلليون تەڭگەنى قۇرادى. 2022 جىلعى باعامەن (15،2 ملن. تەڭگە) سالىستىرعاندا بۇل 2،3 پايىزعا تومەن. ساراپشىلار باعانىڭ تومەندەۋىن جاڭا جىل الدىنداعى جەڭىلدىكتەرمەن، اكسيالارمەن جانە ديلەرلەردىڭ ارنايى ۇسىنىستارىمەن ءتۇسىندىردى. وسىلايشا، جەلتوقسان ايىندا اۆتوسالوندار تۇتىنۋشىلارعا بەس ءجۇز مىڭنان ءتورت ميلليون تەڭگەگە دەيىن جەڭىلدىك جاسادى.
«بۇل سالاۋاتتى باسەكە جانە ءاربىر ديلەر جىل سوڭىنا دەيىن جاقسى ناتيجەلەرگە قول جەتكىزۋگە ۇمتىلۋدا. دەگەنمەن، جاڭا كولىكتەر باعاسىنىڭ ودان ءارى تومەندەۋىن بولجاۋ قيىن. ويتكەنى ولار ءارتۇرلى سىرتقى فاكتورلارعا، سونىڭ ىشىندە ۆاليۋتالىق اۋىتقۋلار مەن لوگيستيكالىق جاعدايعا بايلانىستى. پاندەميا كەزىندە جەتكىزۋ تىزبەگى مەن لوگيستيكالىق پروسەستەردەگى تۇراقتىلىقتىڭ ماڭىزدىلىعىن كورسەتەدى.
ءبىراق ەل ىشىندە اۆتوكومپونەنتتەر زاۋىتتارىن سالۋدى ەسكەرسەك، وندىرىستەگى قازاقستاندىق قامتۋ ۇلەسى ارتادى. بۇل يمپورت پەن لوگيستيكاعا تاۋەلدىلىكتى ءىشىنارا ازايتادى، ءارى ءوز كەزەگىندە باعا بەلگىلەۋگە سىرتقى فاكتورلاردىڭ تگىزەتىن اسەرىن السىرەتەدى»، - دەيدى قازاقستان اۆتوموبيل وداعىنىڭ ساراپشىلارى.
ەسكى كولىكتەردىڭ باعاسىنا كەلەتىن بولساق، ساراپشىلاردىڭ پىكىرىنشە، ونى جەكە ادام كولىكتىڭ تەحنيكالىق جاعدايىن ەسكەرە وتىرىپ، دەربەس بەلگىلەيدى.
رەسمي تۇردە ۇسىنىلعان برەندتەر
بۇگىندە قازاقستاندا كوپتەگەن ءىرى الەمدىك اۆتوموبيل برەندتەرى ۇسىنىلعان. ولاردىڭ ىشىندە: Hyundai، Chevrolet، Kia، Chery، Toyota، Haval، Jac، Changan، Jetour، Exeed جانە ت.ب.
جاقىن ارادا ەلىمىزدە Skoda، Changan، Chery جانە Haval ماركالى كولىكتەر شىعارىلا باستايدى. قازاقستاندىق كولىك نارىعىندا باسقا دا جاڭا برەندتەر پايدا بولۋى مۇمكىن.
«اۆتوديلەرلەر بۇگىندە تۇتىنۋشىلارعا ءارتۇرلى ماركالار مەن مودەلدەردەگى، ءارتۇرلى باعا سەگمەنتتەرىندەگى اۆتوكولىكتەردىڭ كەڭ تاڭداۋىن ۇسىنادى. ءاربىر ديلەر تۇتىنۋشىلارعا اۆتوكولىكتەردى ساتىپ الۋ ءۇشىن ءتيىمدى جاعداي جاساۋعا تىرىسادى. جالپى، بۇل قازاقستانداعى اۆتوموبيلدەردى ساتۋ نارىعىنداعى سالاۋاتتى باسەكەلەستىكتىڭ بار ەكەنىن كورسەتەدى»، - دەپ قوستى ساراپشىلار.
قازاقستاندا قانشا كولىك تىركەلگەن؟
ۇلتتىق ستاتيستيكا بيۋروسىنىڭ مالىمەتىنشە، 1 جەلتوقسانداعى جاعداي بويىنشا ەلىمىزدە 4 631 301 جەڭىل كولىك تىركەلگەن. ولاردىڭ شىققان جىلىنا قاراي:
ءۇش جىلدان اسپايتىن – 280 871 بىرلىك (6،1 پايىز)؛
ءۇش جىلدان جەتى جىلعا دەيىن – 522 972 بىرلىك (11،3 پايىز)؛
جەتى جىلدان ون جىلعا دەيىن – 622 650 بىرلىك (13،4 پايىز)؛
ون جىلدان جيىرما جىلعا دەيىن – 1 083 151 بىرلىك (23،4 پايىز)؛
جيىرما جىلدان جوعارى – 2 115 571 بىرلىك (45،7 پايىز).
«وسىلايشا، ەلىمىزدە 3،2 ميلليون جەڭىل اۆتوكولىكتىڭ (69،1 پايىز) 10 جىلدان اسقان. بۇل – اۆتوپاركتى جاڭارتۋدى قاجەت ەتەتىنىن كورسەتەدى. سونىمەن قاتار، ءۇش جىلعا تولماعان كولىكتەردىڭ ۇلەسى ارتىپ كەلەدى. ەسكەرەرلىك جايت، زاڭداستىرۋ ناتيجەسىندە ەل اۋماعىنا ءبىر مەزگىلدە كوپتەگەن ەسكى كولىكتەر كىرگەنىن ەسكەرىڭىز. وسىلايشا 2023 جىلدان باستاپ ەلىمىزدە 10 جىلدان اسقان اۆتوكولىكتەردىڭ سالماق ۇلەسى ارتتى. وتكەن جىلى جەڭىل اۆتوكولىكتەردى باستاپقى تىركەۋ بويىنشا وپەراسيالاردىڭ ەڭ كوپ سانى ماۋسىم ايىندا – 57 816 تىركەلگەن. كولىكتەردىڭ كوبى زاڭداستىرۋدىڭ رۇقسات ەتىلگەن مەرزىمىنىڭ سوڭىنا قاراي زاڭداستىرىلدى. سونىمەن قاتار، ماۋسىم ايىندا الدىڭعى ايعا قاراعاندا جەڭىل اۆتوكولىكتەردىڭ يمپورتى وسكەن. بىلايشا ايتقاندا، يمپورت تەك 1 389 كولىككە وسكەنىن بايقادىق. ياعني، شەتەلدە تىركەلگەن اۆتوكولىكتەر بەلگىلى ءبىر ۋاقىت ىشىندە ەلىمىزدە بولعان كەزدە ستاتيستيكالىق ەسەپكە الىنباعاندىقتان، 10 جىلدان اسقان كولىكتەردىڭ ۇلەسى 69،1 پايىزعا نەمەسە 3،2 ميلليون داناعا جاقىندادى»، - دەپ اتاپ ءوتتى ساراپشىلار.
ولاردىڭ ايتۋىنشا، وتاندىق وندىرۋشىلەر الداعى ەكى جىلدا جاڭا كولىكتەردىڭ ءوندىرىس كولەمى ارتادى دەپ سەنىپ وتىر. بۇل جالپى العاندا كولىك پاركىن جاڭارتۋعا اسەر ەتەتىنىن راستايدى.
ەڭ تانىمال اۆتوموبيل برەندتەرى
2023 جىلعى ساتىلىم ناتيجەلەرى بويىنشا جاڭا كولىكتەر اراسىنداعى ەڭ تانىمال ون برەند:
Hyundai – 46 725 اۆتوكولىك ساتىلدى (وتكەن جىلمەن سالىستىرعاندا 62 پايىزعا كوپ)؛
Chevrolet - 45 807 بىرلىك (+34 پايىز)؛
Kia - 25 495 بىرلىك (+77 پايىز)؛
Chery - 12 229 بىرلىك (+174 پايىز)؛
Toyota - 10 756 بىرلىك (+12 پايىز)؛
حاۆال – 7 558 بىرلىك (+404 پايىز)؛
Jac - 7 514 بىرلىك (+123 پايىز)؛
چانگان – 6 087 بىرلىك؛
Jetour – 3 930 بىرلىك؛
Exeed – 3 884 بىرلىك (+107 پايىز).
قازاقستاننىڭ اۆتوموبيل ونەركاسىبىنىڭ بولجامدارى
«جاڭا زاۋىتتاردىڭ، سونىڭ ىشىندە اۆتو بولشەكتەر شىعاراتىن زاۋىتتاردىڭ سالىنۋىن ەسكەرە وتىرىپ، ءبىز اۆتوموبيل ونەركاسىبىنىڭ پەرسپەكتيۆالى ءوسىمىن كۇتەمىز. ءوندىرىس كولەمىن ۇلعايتۋ، كولىكتەردىڭ نومەنكلاتۋراسىن كەڭەيتۋ، ءوندىرىستى وقشاۋلاۋدى تەرەڭدەتۋ، جاڭا جۇمىس ورىندارىن قۇرۋ كۇتىلۋدە. وسىنىڭ بارلىعى ەلىمىزدىڭ الەمدىك اۆتوموبيل نارىعىنداعى پوزيسياسىن نىعايتۋعا كومەكتەسەدى»، - دەپ قورىتىندىلادى قازاقستان اۆتوموبيل وداعىنىڭ ساراپشىلارى.