بۇل جايىندا قوعامدىق تالقىلاۋعا شىعارىلعان قازاقستاننىڭ 2029 جىلعا دەيىنگى ۇلتتىق دامۋ جوسپارىندا ايتىلعان، دەپ حابارلايدى Almaty-akshamy.kz.
«وتكەن ونجىلدىقتا قازاقستاننىڭ ەكونوميكالىق ءوسۋى جاھاندىق ەكولوگيالىق فاكتورلارمەن بىرگە ەكولوگيالىق سىن-قاتەرلەردى كۇشەيتكەن قورشاعان ورتانىڭ جاي-كۇيىنە ەلەۋلى اسەر ەتۋمەن قاتار ءجۇردى. ديناميكانىڭ تومەندەۋىنە قاراماستان، قازاقستان پارنيكتىك گازدار شىعارىندىلارىنىڭ كولەمى بويىنشا توپ-20 ەلدىڭ قاتارىنا كىرەدى جانە اۋاداعى زياندى بولشەكتەر دەڭگەيى بويىنشا ەڭ «لاستانعان» ەلدەر رەيتينگىندە 40-شى ورىندا تۇر. جىل سايىن اۋانىڭ لاستانۋى 10 مىڭنان استام مەزگىلسىز ولىمگە اكەپ سوعادى جانە دۇنيەجۇزىلىك بانكتىڭ زەرتتەۋلەرىنە سايكەس، قازاقستان ەكونوميكاسىنا 10،5 ملرد اقش دوللارىنان استامعا زيان الىپ كەلەدى. سوڭعى جىلدارى قازاقستاندا باستالعان تۇراقتى دامۋ مەن جاسىل ەكونوميكاعا بەلسەندى كوشۋ وسى سىن-قاتەرلەردى شەشۋگە ارنالعان: ەل پاريج كەلىسىمى بويىنشا ءوزىنىڭ مىندەتتەمەلەرىن راستاي وتىرىپ، 2060 جىلعا قاراي كومىرتەگى بەيتاراپتىعىنا قول جەتكىزۋ جونىندەگى ءورشىل ماقساتتاردى جاريالادى»، - دەلىنگەن قۇجاتتا.
قازاقستاندا ورتا جانە ۇزاق مەرزىمدى پەرسپەكتيۆاداعى ماڭىزدى سىن-قاتەرلەردىڭ ءبىرى سۋ رەسۋرستارىنا جوعارى جۇكتەمە بولادى. بۇۇ دب كليماتتىڭ وزگەرۋى ناتيجەسىندە 2040 جىلعا قاراي قازاقستاندا تۇششى سۋ تاپشىلىعى 50 پايىزعا جەتەدى دەپ بولجاپ وتىر.
نەگىزگى فاكتورلاردىڭ ءبىرى - سۋ تيىمدىلىگىنىڭ تومەندىگى. سۋدىڭ نەگىزگى تۇتىنۋشىسى سانالاتىن اۋىل شارۋاشىلىعىندا سۋدىڭ مەنشىكتى شىعىنى كليماتتىق-سالىستىرمالى ەلدەر دەڭگەيىنەن 2-3 ەسە جوعارى. ال سۋ شىعىنى اۋىل شارۋاشىلىعى الەۋەتىنىڭ تولىق يگەرىلۋىن تەجەپ، 60 پايىزعا جەتەدى.