109 لاۋازىمدى قىزمەتكەر جۇمىسىنان بوساتىلعان
بيىل ەلىمىزدىڭ كاسىپورىندارىندا مىڭعا جۋىق ادام زارداپ شەككەن. ولاردىڭ ىشىندە 134 ادام قازا تاپتى، دەپ حابارلايدى Almaty-akshamy.kz.
جىل باسىنان بەرى قۇقىق قورعاۋ ورىندارىنا وسىنداي جازاتايىم وقيعالار تۋرالى 744 ماتەريال ءتۇسىپ، 118 قىلمىستىق ءىس قوزعالعان. ەڭبەك قاۋىپسىزدىگىنە بەي-جاي قاراعان 109 لاۋازىمدى قىزمەتكەر جۇمىسىنان بوساتىلعان. بۇل جايىندا ەڭبەك، الەۋمەتتىك قورعاۋ كوميتەتىنىڭ ءتوراعاسى تولەگەن وسپانقۇلوۆ حابارلادى.
ونىڭ ايتۋىنشا، زارداپ شەككەن جۇمىسشىلاردىڭ كوپشىلىگى تاۋ-كەن مەتاللۋرگيا سالاسىندا ەڭبەك ەتكەن، دەپ جازادى qazaqstan.tv.
سونىمەن قاتار ءقازىر جالاقىنى ۋاقىتىلى تولەمەۋ جاعدايلارى قاراعاندى، شىعىس قازاقستان، قوستاناي، اقتوبە، پاۆلودار وبلىستارىندا جيىلەگەن.
«جالاقى بويىنشا بەرەشەكتى وتەۋدىڭ ناتيجەلىگىن ارتتىرۋ ماقساتىندا زاڭناماعا وزگەرىستەر ەنگىزىلدى. ناتيجەسىندە جۇمىس بەرۋشىنىڭ جالاقى تولەۋ تۋرالى نۇسقاماسى اتقارۋشى قۇجاتتىڭ مىندەتتى كۇشىنە يە بولدى. وسىلايشا نۇسقامانىڭ ورىندالۋ مەرزىمى اياقتالعاننان كەيىن ول جەكە سوت ورىنداۋشىلارعا ماجبۇرلەپ ورىندالۋى ءۇشىن جىبەرىلەدى»، -دەيدى ق ر ەحاقم ەڭبەك جانە الەۋمەتتىك قورعاۋ كوميتەتىنىڭ ءتوراعاسى تولەگەن وسپانقۇلوۆ.