ۇرىقتىڭ پاتولوگياسىن ەرتە دياگنوستيكالاۋ ءۇشىن بيىل جۇكتى ايەلدەردىڭ 87%-ى پرەناتالدىق سكرينينگتەن ءوتتى، بۇل وتكەن جىلعى كورسەتكىشتەن 10%-عا جوعارى.
بۇگىنگى تاڭدا جۇكتىلىك بويىنشا ەسەپتە 270 مىڭعا جۋىق ايەل تۇر، ونىڭ تەك 61%- ى ۇسىنىلعان ەرتە مەرزىمدە-10 اپتاعا دەيىن ەمحاناداعى ءوز ۋچاسكەلەرىندە دارىگەرلەرگە جۇگىندى، دەپ حابارلايدى aqshamnews.kz ق ر دسم-گە سىلتەمە جاساپ.
پرەناتالدىق سكرينينگ جۇرگىزۋدىڭ قولجەتىمدىلىگىن جاقسارتۋ جانە جۇكتى ايەلدەر ءۇشىن جايلىلىق پەن ىڭعايلىلىقتى قامتاماسىز ەتۋ ءۇشىن ەلىمىزدىڭ 10 وڭىرىندە "ءبىر كۇندىك كلينيكا"جوباسى ىسكە اسىرىلىپ جاتقانىن ەستەرىڭىزگە سالا كەتەيىك. جوبانىڭ شەڭبەرىندە جۇكتى ايەلدەر ءبىر كۇننىڭ ىشىندە تەكسەرۋدەن ءوتىپ، ۇرىقتىڭ جاعدايى تۋرالى تولىق اقپارات الا الادى.
بۇگىنگى تاڭدا ەلىمىزدە بوساندىرۋ سالاسىندا 5 مىڭنان استام اكۋشەر-گينەكولوگ جانە 9 مىڭنان استام اكۋشەر جۇمىس ىستەيدى، ولار جىل سايىن ورتا ەسەپپەن 400 مىڭ جۇكتى ايەلدىڭ بوسانۋىن باقىلايدى جانە قابىلدايدى.
اعىمداعى جىلدىڭ قاڭتار-قىركۇيەك ايلارى ارالىعىندا رەسپۋبليكادا 275 مىڭنان استام بالا دۇنيەگە كەلدى.